+ In nomine domini dei salvatoris nostri Ihesu Christi Imperante domino
nostro basilio magno Imperatore anno decimo. sed et constantino
magno imperatore frater eius anno septimo. Die vicesima quinta mensis
martii indictione tertia decima neapoli. Certum est me leonem presbiterum
filium quondam idem leoni et quondam galde iugalium personarum custodem
bero ecclesie sancti adiutori de loco qui vocatur patruschanum. una
cum volumtate mariae bene serbienti meae: A presenti die promtissima
volumtate pro domini ammore et redemtionis anime meae ut aput deum
omnipotentem meritum bonum imbenire baleam. Offero et trado vobis domino
iohanni venerabili igumeno monasterii sanctorum sergii et baschi qui
nunc congregatus es in monasterio sanctorum theodori et sebastiani qui
appellatur casapicta situm in viridario et per vos in eodem sancto et venerabili
vestro monasterio. IDest dua modia terre sibe per passos aut per
exagomum quale vobis placueris unum bero de olibetum alium autem arbustatum
insimul ubi eas eligere volueritis de omnem meam hereditate de
loco qui vocatur sassum territorio cymmitirense una cum arvoribus fructiferis
vel infructiferis simul cum introitas suas omnibusque eis generaliter
pertinentibus. De qua nihil mihi ex ipsa dua modia remansit aut reservavi
nec in alienas personas commisi potestatem. et ha nunc et deinceps a me
vobis et per vos in eodem sancto et venerabili vestro monasterio sint offertas
et traditas in vestra posterisque. vestris memoratoque sancto et venerabili
vestro monasterio sint potestatem quidquid exinde facere volueritis semper
liberam habeatis potestatem. et neque a me memorato leonem presbitero cum
volumtate memorate mariae serbienti meae neque a meis heredibus nullo
tempore numquam vos memoratus dominus iohannes venerabilis igumenus
aut posteris vestris nec memoratus sanctus et venerabilis bester monasterius
quod absit habeatis exinde aliquando quacumque requisitionem aut
molestia per nullum modum nec per summissis personas ha nunc et imperpetuis
temporibus. Insuper promitto tibi propter reliqua omnem meam
hereditatem ex ipso loco qui vocatur sassum ut si quidem petro filio
mei ovierit sine proprium heredem de uxore sua tunc memorata reliqua
omnem meam hereditatem ex ipso loco sassum omnibusque eis pertinentibus
rebertantur et sint offertum pro mea pariterque ipsius anime in memorato
sancto et venerabili vestro monasterio. preter si tunc vixerit memorata maria
serbienti meae frugiet illud ipsa vite sue post eius ovitum rebertantur in
eodem sancto et venerabili vestro monasterio ut super legitur. Quia ita
mihi complacui: Si autem ego aut heredes meis quovis tempore contra
hanc chartulam offertionis ut super legitur venire presumserimus et in aliquid
offensi fuerimus per quovis modum aut summissis personas. tunc componimus
vobis posterisque vestris memoratoque sancto et venerabili vestro
monasterio auri solidos triginta sex bythianteos. et hec chartula qualiter
continet sit firma imperpetuum. scripta per manus iohannis curialis per indictione
memorata tertia decima +
Hoc signum + manus memorati leoni presbiteri qui pro divina hoccupationis
morti sue minime huic manum sua scripsi quod ego qui memoratos
pro eum subscripsi + et hoc memoratus sum ut si memorata maria
per quovis modum virum fuerit sociata nihil frugiet aliquod ex ipsa reliqua
hereditate
Hoc signum + manus memorate marie quod ego qui memoratos pro
ea subscripsi +
+ ego sergius filius domini ursi rogatus a suprascriptas personas testi
subscripsi +
+ [.................................................]
[.............................] +
+ Ego petrus Curialis rogatus a memoratas personas testi subscripsi +
+ Ego iohannes Curialis Complevi et absolvi per indictione memorata
tertiadecima +
|