+ In nomine domini dei salvatoris nostri Ihesu Christi Imperante domino
nostro basilio et constantino magnis Imperatoribus anno sexto sed et niciforio
magno imperatore anno tertio die septima decima mensis novembrii
indictione nona neapoli: Certum est me macarium monachum qui laicus
marino qui supranomen sillicto clamatur. filius quondam domini petri tribuni:
A presenti die promtissima voluntate pro domini amore et salbationis
anime meae. et pro anima quondam maru honesta femina dudum coniugi
meae: Offero et trado vobis domino sergio ummilis igumeno domino meo
monasterii sanctorum sergii et baschi qui nunc congregatus est in monasterio
sanctorum theodori et sebastiani qui appellatur casapicta situm in viridario
et per vos in memorato sancto et venerabili vestro monasterio: IDest
integra una petia de terra mea que vocatur ad puteum posita in loco qui
nominatur putinianum quam mihi donatam havet quondam memorata maru
honesta femina dudum coniugi mea per suum dispositum qui reiacet
in memorato sancto et venerabili vestro monasterio: Una cum arvoribus et
introito suo et omnibus sivi pertinentibus qui coheret sivi de duobus
lateribus terra de illi tocculi: et de uno capite a parte occidentis via publica:
et ex alio capite . . . . . . . . De qua nihil mihi exinde remansit nec in
alienam personam: commisi potestatem: Ita ut ha nunc et deinceps memorata
integra una petia de terra mea que vocatur ad puteum posita in memorato
loco putinianum quam mihi donatam havet quondam memorata maru honesta
femina dudum coniugi meae per memoratum suum dispositum qui reiacet in
memorato sancto vestro monasterio: Una cum arvoribus et introito suo et omnibus
sivi pertinentibus: De qua nihil mihi exinde remansit set in integro sicut
superius legitur et qualiter predictas coherentias circundant ha me vobis et in
memorato sancto et venerabili vestro monasterio sit offerta et tradita in vestra
posterisque vestris et de memorato sancto et venerabili vestro monasterio sit
potestatem quidquid exinde facere volueritis: et neque a me memorato macario
monacho qui laicus marino qui supranomen sillicto clamatur neque a meis
heredibus nec a nobis personis summissis: nullo tempore numquam vos memorato
domino sergio ummilis igumeno aut posteris vestris vel memoratus sanctus.
et venerabili vestro monasterio quod absit habeatis exinde aliquando quacumque
requisitione aut molestiam a nunc et imperpetuis temporibus: Verumtamen
stetit inter nobis ut memorata integra terra quam vobis offerui cum
omnibus sivi pertinentibus ut super legitur: hamodo et omnibus diebus vite
quidam maru devota monacha nepoti mea filia quidem petri filii mei in sua
sit potestatem tenendi et dominandi seu frugiandi et de ipsa faciendi
que voluerit. ad obitum de memorata maru devota monacha nepoti mea
memorata integra terra cum omnibus sivi pertinentibus revertantur ad memorato
petro filio meo genitori suo et ad eius propriis heredibus de uxore
sua: In eo tenore ut si memorato petro filio meo mortuus fueris sine proprium
heredes de uxore sua haut si post suum obitum heredes proprios
reliqueris et ipsis iterum mortuis fueris sive infra etatem vel sine proprium
heredes de uxoribus et viribus eorum ut non fueris aliquid ex eis vel de
eius propriis heredibus hanc nepotes eius propriis de uxoribus et viribus
eorum memorata integra terra cum omnibus sivi pertinentibus in vestra posterisque
vestris et in memorato sancto vestro monasterio rebertant et sint
potestate quidquid exinde facere volueris ut super legitur: Insuper et si
ad obitum de memorata maru devota monacha nepoti mea memorato petro
filio meo vel eius propriis heredibus mortuis fuerint sine proprium heredes
ut non fueris aliquid ex eis vel de eius propriis heredibus de uxoribus et
viribus eorum ut super dixi: a tunc memorata integra terra cum omnibus
sivi pertinentibus in vestra posterisque vestris: et in memorato sancto et
venerabili vestro monasterio rebertantur et sint potestate quidquid exinde
facere volueritis: Quia ita mihi vone voluntatis placui: Si autem aliter fecero
ego et heredes mei de is omnibus memoratis ut super legitur. per
quolivet modum aut summissis personis: tunc componimus vobis posterisque
vestris et in memorato sancto et venerabili vestro monasterio auri solidos
triginta sex bythianteos: et hec chartula offertionis ut super legitur sit firma:
scripta per manus sergii curialis scribere rogatus per memorata nona indictione +
hoc signum + manus memorato macario monacho qui pro occupatione
mortis minime hoc scribere non concurrit quod ego qui memoratos
ab eo rogatus pro eo subscripsi +
+ ego gregorius filius domini marini rogatus a suprascripto macario
monacho testi subscripsi +
+ ego iohannes filius domini stefani rogatus a suprascripto macario
monacho tesi subscripsi +
+ ego gregorius filius domini iohannis rogatus a suprascripto macario
monacho tesi subscripsi +
+ Ego sergius Curialis Complevi et absolvi die et indictione memorata
nona +
|