+ In nomine domini dei salvatoris nostri Ihesu Christi Imperante domino
nostro basilio magno Imperatore anno quintodecimo. sed et constantino
frater eius magno imperatore anno tertio decimo. die vicesima mensis
nobembrii indictione quarta neapoli Nos marinus in dei nomine eminentissimus
Consul et dux atque imperiali anthipatus patricius. A presenti die pro dei
amore et mercede et salbationis anime nostre concessimus et tradidimus
vobis domino petro veneravile abate monasterii sanctorum seberini et sossi
ubi eorum veneravilia quiescunt corpora et per vos in memorato sancto et
veneravili vestro monasterio eiusque memorate vestre congregationis monachorum
presentibus. et futuris. Idest omnibus hospitibus et commenditis censitis
seu serbi prefati vestri monasterii ubique eos habueritis in toto ducatui
istius nostre civitatis. Una cum uxores et filiis filiabus nuruus adque nepotibus
illorum et cum omnes. illorum fundoras et terris seu cespites vel omnem
consuetudinarias censoras et regulis seu responsaticas et angarias et salutes
et cum omnibus adiacentibus et pertinentibus eis simul et cum omnem illorum
paratum et conquesitum que habent vel abuerint et que amodo
in antea parare vel conquirere potuerint per quovis modum omnibusque
eis pertinentibus. seu concessimus et firmamus vobis et omnem publicum
una cum omnem licerem et pertinentias quas ipse iure publico nostri habent
vel abuerint per quobis modum in memoratis omnibus hospitibus et commenditis
censitis et serbi memorati vestri monasterio quantos et qualis
modo abetis vel abituris fueritis per quovis modum: et av odierna die
et deinceps omnibus memoratis qualiter superius legitur totum et inclitum
a nobis vobis et per vos in memorato sancto et venerabili vestro monasterio
eiusque memorate vestre congregationis monachorum presentibus et
futuris sint concessum et traditum in vestra posterisque: vestris sanctoque
vestro monasterio sint potestate queque exinde facere volueritis liberam
semper habeatis potestate. et numquam presummamus nos aut posteris nostris
nec qualibet castaldata nostra neque vice domini nostri nec dicani
neque alia quavis personas qualibet angarias aut exscaticas vel erbaticas aut
qualibet datum neque alia qualibet datione aut salute querere ad eis per
nullum modum nec per nullam ratione neque per nullum studium in perpetuum.
tamen ipsas omnes angarias et omnem publicum simul et alias
omnes dationes quas in nostro iure publico nostri facere et dare debent memoratis
omnibus ospitibus et commentis censitis seu serbis memorati vestri
monasterii vel illorum heredibus amodo et semper vobis posterisque: vestris
et in memorato sancto vestro monasterio illut facere et dare debeant
imperpetuum. seu concedimus vobis et per vos in memorato sancto vestro
monasterio ut si femine de ipsis hominibus ospitibus et commenditis censitis
seu serbis memorati vestri monasterii et de illorum heredibus homines liberis
mariti tulerint a tunc sint in memorato sancto vestro monasterio illas
angarias de ipsis homines et de illorum heredibus concessas et traditas ut
diximus vobis et in memorato sancto vestro monasterio in sempiternum.
Interea concessimus et tradidimus vobis et per vos in memorato sancto et
veneravili vestro monasterio et omnem paratum et conquesitum de omnes
homines commenditis et defisis vestri monasterii quanti habitant in fundoras
et terris memorati vestri monasterii. aut quanti defisis memorati vestri
monasterii abitant intus istam nostram civitatem sibe quantum modo paratum
et conquesitum habent vel que amodo et deinceps paraberint et conquisierint
per quovis modum. et hab anc die et semper in vestra posterisque.
vestris sint potestate qualiter exinde facere volueritis liberam semper habeatis
potestate. Insuper firmamus vobis posterisque. vestris sanctoque vestro monasterio
eiusque memorate vestre congregationis monachorum omnes preceptoras
et concessiones quas habent memorati vestri monasterii da nos simul
et da singulis consulibus et ducibus istius nostre civitatis aut da partibus
langobardorum una cum omnes chartulas et offertiones quas fecerunt
christianissimis viris ac mulieribus in prefati vestri monasterii. et neque a
nobis memoratus marinus domini gratia consul et dux atque imperiali anthipatus
patricius: neque a posteris nostris qui post nos in nostro onore
locoque duces accesserint nullo tempore numquam vos memorato domino
petro veneravili abbati aut posteris vestris vel memoratus sanctus vester monasterius
quod absit habeatis de omnibus memoratis que vobis superius concessimus
et firmavimus qualiter superius legitur aliquando quacumque requisitione
aut molestia a nunc et imperpetuis temporibus. quam concessione sicud
superius legitur a nobis facta gregorius primarius scribere precepimus in qua
et nos subter. pro eius firmitate manus nostras propras subscripsimus die et
indictione memorata quarta + . . . . . . alia manu . . . . . . .
+ Marinus Consul et Imperialis anthipatus patricius subscripsi . . . nam
alia manu . . . . . . + ego petrus primarius Curie huius civitatis neapolis
hec exemplarie concessionis quem eius authentica nobis dedi dominus bonus
venerabilis abbas memorati monasterii sanctorum sebirini et sossi pro ista
exemplaria at eodem monasterium faciendum sicut superius legitur ex ipsa
authentica relebata et cum nimia cautela at singulas relectas pro ampliorem
eius firmitatem manus propria subscripsi in die vicesima mensis martii indictione
secunda +
Ego sergius tabularius Curie huius civitatis neapolis hec exemplarie
concessionis quem eius authentica nobis dedi dominus bonus venerabilis
abbas memorati monasterii sanctorum seberini et sossi pro ista exemplaria
ad eodem monasterium faciendum sicut superius legitur ex ipsa authentica
relebata et cum nimia cautela at singulas relectas pro ampliorem eius firmitatem
manus propria subscripsi in die vicesima mensis martii indictione
secunda +
|