+ In nomine domini dei salvatoris nostri Ihesu Christi Imperante domino
nostro basilio magno Imperatore anno octabo. sed et niciphoro et constantino
magnis imperatoribus anno quinto die vicesima quinta mensis aprilis
indictione undecima neapoli. Certum est me mari filium quondam iohanni
mari commanente autem in loco qui vocatur koranum territorio cymitirense.
A presenti die promtissima voluntate promitto vobis domino iohanni
venerabili igumeno monasterii sanctorum sergii et baschi qui nunc congregatus
est in monasterio sanctorum theodori et sebastiani qui appellatur casapicta
situm in viridario una terra vestra iuris memorati sancti
et venerabilis vestri monasterii qui vocatur et ponitur in casale ipsius cymitirense
territorio una cum arvoribus et olibis simul cum introitum
sivi pertinentibus qui in memorato vestro monasterio obvenit per
chartulam offertionis a quidem sadelperga exadelfa mea filia quondam stephani
relicta quondam cimmini de ciccianum. Coherente sivi hab uno latere parte
horientis terra de illi scaricclati. et ex alio latere parte hoccidentis via publici.
de uno capite parte septemtrionis terra heredum quondam domini
sergii tribuni et terra ex ipsi scaricclati. de alio capite parte meridiana campum
iuris memorati sancti et venerabilis vestri monasterii quem vobis reserbastis.
que bero memorata terra vestra omnibusque sivi pertinentibus qualiter
memoratas coherentias circumdans dedistis mihi meisque heredibus in
colligio ad lavorandum et detinendum ha nunc et omnibus vite memorate
sadelperge exadelfe mee: In eo enim tenore ut ego et heredes meis
ea omni annuo apto tempore subtus et super bene diligenter lavorare et
exscolere seu at meliorem cultum perducere promittimus in omnibus cum
vobes nostros et conciaturia seu operarios et sumta vel omnia expensa caucumminas
et vites ubi necessum fuerit omni annuo ibidem ponere et plantare
debeamus quamque potare et propaginare et alvaciare omnia et in
omnibus nos ibi peragere debeamus. et de subtus super nos ea frugiare
debeamus vinum vero mundum et saccapanna seu oleum quantum omni
annuo ibi deus dederit cum memorata sadelperga illud dividere debeamus
per sex uncias nos exinde percipiamus medietate et memorata sadelperga
similiter medietate set mercedes de operarios at vindemniandum et colligendum
ipsis olibis seu macenaturia ipsorum olibis de comune pargiare debeamus
set ego et omnibus hominibus masculis de casa mea gratis ibi vindemniare
et colligere seu macenare debeamus: et nullatenus presummetis vos
aut posteris vestris nec abeatis licentiam memorata terra vestra omnibus vite
memorate sadelperga mihi meisque heredibus tollere per nullum modum
nec per summissis personis nos bene lavorantes et adimplentes omnia memorata.
post autem eiusdem sadelperga transitum memorata integra terra
vestra cum arvoribus et olibis simul cum introitum suum omnibusque sivi
pertinentibus in vestra posterisque vestris memoratoque sancto et venerabili
vestro monasterio rebertantur et sint potestatem cuius iure esse videtur.
verumtamen nos cum memorata sadelperga vite sue omni annuo de communi
vobis posterisque vestris exinde dare et dirigere debeamus oleum
sextarium unum iustum quando in ipso loco natus fuerit oleum et quando
in ipso loco oleum non fuerit natum nemine vobis eum queratis et quando
memorata sadelperga ibi ad recolligendum benerit nos ea enutrire debamus
ut iustum fuerit. Quia ita nobis complacui: Si autem ego aut heredes meis
quovis tempore contra hanc chartulam promissionis ut super legitur venire
presumserimus et minime adimpleverimus hec omnia memorata et in aliquid
offensi fuerimus per quovis modum aut summissis personis. tunc componimus
vobis posterisque vestris auri solidos viginti bythianteos. et hec chartula
qualiter continet sit firma: scripta per manus iohanni curialis per indictione
memorata undecima +
+ Hoc signum + manus memorati mari quod ego qui memoratos pro
eum subscripsi +
+ ego stefanus filius domini iohannis rogatus a suprascripto mari testi
subscripsi +
+ ego stefanus filius domini anastasii rogatus a suprascripto mari testi
subscripsi +
+ ego sergius filius domini iohannis rogatus a suprascripto
mari testi subscripsi +
+ Ego iohannes Curialis Complevi et absolvi per indictione memorata
undecima +
|