+ In nomine domini dei salvatoris nostri Ihesu Christi Imperante domino
nostro basilio magno Imperatore anno nono sed et niciphoro et constantino
magnis imperatoribus anno sesto. Die octaba mensis decembrii
indictione duodecima neapoli: Certum est me maria honesta femina filia
quondam domini basilii et quedam domina anne honeste femine iugalium
personarum una cum volumtate presenti domini stephani viri mei. A presenti
die promtissima volumtate commutavi et tradidi vobis domino iohanni
venerabili igumeno monasterii sanctorum sergii et baschi qui nunc congregatus
es in monasterio sanctorum theodori et sebastiani qui appellatur
casapicta situm in viridario. IDest integrum fundum meum qui est imbela
constitutum bero in loco qui vocatur nonnaria una cum arvoribus fructiferis
vel infructiferis et cum integra pischinella qui ibi esse videtur simul
cum introitum suum omnibusque. sivi generaliter pertinentibus. pertinente
bero mihi a memorata genitrice mea pariter et me in portione tetigit a
vos ipsis et a ceteris consortibus meis. Coherente sivi hab una parte ab
horiente campum vestrum qui est holibetus. et ex alia parte a septemtrione
terra domini iohanni filio domini stephani kata domini ypatiae et
terra mea et subscripta terra vestra sicuti inter se via exfinat. De alia autem
parte a meridiana et in aliquantum ab hoccidente terra quidem niceta
Kanonarchi et terra communalem mea et vestra et de ipsorum ceteris consortibus
nostris sicuti inter se sepis exfinat: De qua nihil mihi intus memoratas
coherentias aliquod remansit aut reservavi nec in alienam personam
commisi potestatem. Itaut ha nunc et deinceps memoratum integrum fundum
meum qui est imbela situm ad nonnaria una cum arvoribus fructiferis
vel infructiferis et cum memorata pischinella qui ibi esse videtur simul
cum introitum suum omnibusque. sivi pertinentibus unde nihil mihi
exinde remansit aut reservavi quatenus per memoratas coherentias vobis
eum insinuavi set in integro sicut superius legitur a me vobis sit commutatum
et traditum in vestra posterisque. vestris memoratoque sancto et venerabili
vestro monasterio sint potestatem quidquid exinde facere volueritis
semper liberam habeatis potestatem: et neque a me memorata maria honesta
femina cum volumtate memorati domini stephani viri mei neque a meis
heredibus nullo tempore numquam vos memoratus dominus iohannes
venerabilis igumenus aut posteris vestris nec memoratus sanctus et venerabilis
bester monasterius quod absit habeatis exinde aliquando quacumque requisitionem
aut molestia per nullum modum nec per summissis personis ha
nunc et imperpetuis temporibus. propter quod ad vicem in commutationis
recompensationisque. accepi a vobis hoc est memorata integra petiola de terra
vestra una cum holibis qui ibidem sunt simul cum introitum suum omnibusque.
sivi pertinentibus qui vos tetigit a me ipsa et ab ipsorum ceteris consortibus
nostris et vobis pertinet pro offertione a quondam domino urso thio
meo. Coherente sivi a parte horientis et septemtrionis terra portioni meae
et a parte hoccidentis terra domine rodelgrimme. a meridiana quoque parte
memorata via. unde nihil vobis intus memoratas coherentias reserbastis sicuti
et quomodo mea continet chartula commutationis que vos cum cuncta
vestra congregatione monachorum mihi exinde fecistis in omnem decisione
seu deliberationem tantummodo stetit nobis ut si quovis tempore quavis
persona ex ipsis consortibus nostris quesierit portione habere in memorata
pischinella et vos exinde vincerit tunc ego et heredes meis indemnis et securis
exinde maneamus insuper stetit nobis ut quandoque ego aut heredes
meis direxerimus pro tempore in memorato loco hominibus nostris ad
colligendum holivis nostris et tunc vos aut posteris vestris habueritis
aquas in pischina vestra tunc ad eis exinde dare debeatis quantum ad
eis necessum fuerit donec ibi fuerint ad colligendum ipse olibis nostris.
Quia ita inter nobis combenit: Si autem ego aut heredes meis quovis
tempore contra hanc chartulam commutationis ut super legitur venire presumserimus
et in aliquid offensi fuerimus per quovis modum aut summissis
personas. tunc componimus vobis posterisque. vestris memoratoque sancto
et venerabili vestro monasterio auri solidos viginti bythianteos. et hec chartula
qualiter continet firma permaneat imperpetuum. scripta per manus
iohanni curialis scribere rogavimus per indictione memorata duodecima +
et hoc memorati sumus ut liceas me et heredes meis facere macenare in
oliarias vestras dum eas ibi habueritis omnes olibas proprias nostras quas
ibi habuerimus ad omni nostro expendio et nullam nobis exinde queratis
tollere vos aut posteris vestris omni annuo. et si aliter feceristis in memorata
poena subiaceatis +
Hoc signum + manus memorate mariae honeste femine quod ego qui
memoratos pro ea subscripsi +
+ [..................] +
+ [.................................................]
[.............] +
+ [.................................................]
[.............] +
+ [....................................................]
[.........] +
+ Ego iohannes Curialis qui memoratos post subscriptionem testium
Complevi et absolvi die et indictione memorata duodecima +
|