+ In nomine domini dei salvatoris nostri Ihesu Christi Imperante domino
nostro niciphoro magno Imperatore anno secundo. Die nona mensis magii
indictione octaba neapoli. Certum est me gregorium filium quondam domini
petri et quondam domine drosu honesta femina iugalium personarum. una
cum voluntate presentibus leoni et petri filiis meis: A presenti die promtissima
voluntate pro domini ammorem et redemptionis animee offero et
trado vobis domino sergio venerabili igumeno monasterii sanctorum sergii
et baschi qui nunc congregatus es in monasterio sanctorum theodori et
sebastiani qui appellatur casapicta situm in viridario et per vos in eodem
sancto et venerabili vestro monasterio: Idest integra portionem mea ex integrum
casalem constitutum in loco qui vocatur arinianum cultum vel incultus
simul cum arvoribus fructiferis vel infructiferis et cum portione mea
de pischina et de duleum simul cum introitas earum omnibusque eis generaliter
pertinentibus qui indivisa reiacet cum portionibus de ceteris consortibus
meis. De qua nihil mihi exinde remansit aut reservavi nec in alienam
personam commisi potestatem: Ita ut ha nunc et deinceps memorata
integra portione mea ex ipsum integrum casalem situm in ipso loco
arinianum cultus vel incultus et cum arvoribus fructiferis vel infructiferis et
cum portione mea ex ipsa pischina et de memoratum duleum simul cum
introitas earum omnibusque eis pertinentibus. ut dixi qui indivisa reiacet
cum portionibus de ceteris consortibus meis. unde nihil mihi exinde remansit
aut reservavi set in integro sicut superius legitur a me vobis et
per vos in eodem sancto et venerabili vestro monasterio sit offerta et tradita
in vestra posterisque vestris sint potestatem queque exinde facere volueritis:
et neque a me memorato gregorio cum voluntate memorati leoni
et petri filiis meis neque a meis heredibus nullo tempore numquam vos
memoratus dominus sergius venerabilis igumenus aut posteris vestris nec
memoratus sanctus et venerabilis bester monasterius quod absit habeatis
exinde aliquando quacumque requisitionem aut molestia per nullum modum
nec per summissis personis ha nunc et imperpetuis temporibus. eo quod
nomini meo scribere dignati estis in sacro dypticos vestros. in omnem decisione
sue deliberationem. Quia ita mihi complacui. Si autem ego aut
heredes meis quovis tempore contra hanc chartulam oblationis ut super legitur
venire presumpserimus et in aliquid offensi fuerimus per quovis modum
aut summissas personas. tunc componimus vobis posterisque vestris
memoratoque sancto et venerabili vestro monasterio auri solidos viginti bythianteos
et hec chartula qualiter continet sit firma imperpetuum. scripta
per manus iohannis curialis per indictione memorata octaba +
Hoc signum + manus memorati gregorii cum voluntate memorati leoni
et petri filiis suis quod ego qui memoratos pro eis subscripsi +
+ ego iohannes filius domini sergii rogatus a suprascripto genitori et
filiis testi subscripsi +
+ ego leo filius domini sergii rogatus a suprascripto genitori et filiis
testi subscripsi +
+ ego sergius filius domini iohannis monachi rogatus a suprascripto
genitori et filiis testi subscripsi +
+ Ego iohannes Curialis qui memoratos post subscriptionem testium
complevi et absolvi die et indictione memorata octaba +
|