Lanfrancus Ticinensis: In omnes epistulas Pauli commentarii, cum glossula interiecta

Pag 382


36. LANFR. In quo passus est . In carne passus est,
et tentatus est, et in carne tentatis auxiliari potest.
CAP. III.—1. LANFR. Unde fratres , etc. Superius
monstravit Christum digniorem angelis; nunc monstrat
digniorem et Moyse, ut Veteri Novum praeferat
Testamentum?
2. AMBROS. Fratres sancti . Animos eorum vult
erigere ad excellentiam promissionum Dei, nominans
eos fratres charissimos ad coelestia vocatos.
3. Considerate Apostolum , id est, cognoscite quis
est Jesus sacerdos et aliquis [ f ., fidelis], et non habens
opus alia consolatione.
4. Quis fidelis . Asserit eum fidelem, id est, devotum,
defendentem ea quae sunt ejus, non permittentem
corrumpi.
5. LANFR. Amplioris enim est , etc. Dignior est,
nam amplioris gloriae est, siquidem creator est, et
Moyses creatura; omnis creator amplioris gloriae est
quam creatura; nam fabricans domum majoris
honoris est quam domus.
6. Quanto ampliorem , etc. Probat quia debent
considerare, id est, honorare Christum, quia amplioris
dignitatis est quam Moyses; et hoc a simili,
et a pari.
7. Et Moyses quidem . Probat quia dignior est
Christus Moyse: Omnis enim filius dignior est in
domo patris, et sua, quam famulus.
8. Si fiduciam , id est, fidem et bonam operationem,
per quas spem habemus.
9. Si fiduciam et gloriam , etc. Ergo ut ejus domus
simus, fidem habere debemus; igitur non debemus
esse increduli, quod est, videte, fratres , potest
enim illuc usque pendere sententia.
10. Quapropter sicut dicit , etc. Quasi dicat: Ergo,
quia tantae dignitatis est lator Novi Testamenti,
non habeamus cor obduratum, sed illius praeceptis
acquiescamus.

Torna all'inizio