pertransire, Fraternitati vestrae per Apostolica
scripta mandamus, atque praecipimus,
quatenus memoratos malefactores monere
curetis, et diligenter inducere, ut ablata
restituant, damna data refarciant, et de
injuriis illatis satisfaciant congruenter. Quod
si monitis vestris non acquieverint, ipsos appellatione
remota Ecclesiasticae severitatis
gladio feriatis. Eos vero qui manus violentas
in Monachum et Presbyterum inje¬cerunt,
sicut excommunicatos faciatis tamdiu
ab omnibus evitari, quo usque praestita
satisfactione absolvendi cum vestrarum te¬stimonio
literarum Apostolico se conspectui
repraesentent.
Datum Tusculani septimo Idus Februarii. ”
Episcopis in Marcbia consitutis pro rebus
Monasterii Sancti Clementis.
“ Alexander Episcopus servus servorum
Dei, Viro Venerabili Fratri Firmano
Episcopo; similiter Esculano Episcopo; similiter
Camerinensi Episcopo, similiter G.
Subdiacono, nostro Auximanensi Procuratori;
similiter dilecto filio Priori Fontis Avelianae,
salutem et Apostolicam benedictionem.
Quanto dilecti filii nostri Leonas Abbas, et
Fratres Monasterii Sancti Clernentis de Piscaria
arctiori nobis et Ecclesiae Romanae sunt devotione
astricti, tanto eis in jure suo cura
propensiori tenemur adesse, et hoc sibi propesius
conservare. Unde siquidem est,
quod nos illorum justitiae providere volentes
per Apostolica tibi scripta mandamus, atque
praecipimus, quatenus possessiones, quae
in Parrochia tua ad praescriptum Monasterium
pertinere noscuntur, quas tu aut aliqui
Parrochianorum tuorum occupatas tenent,
praefato Abbati et Fratribus, omni
occasione et excusatione cessante, restituas,
vel ita eis plenam inde justitiam facias,
quod ad nos pro iuris sui defectu querelam
de cetero non cogantur perferre. Quod si
earum detentores tua in hac parte commonitioni
acquiescere forte noluerint, tu ipsos
sententia excommunicationis percellas, et
sicut excommunicatos usque ad dignam satisfactionem
facias ab omnibus evitari.
Datum Verularum Octavo Calendas Aprilis. ”
Pro Causa de Castello Ripae ventilanda..
“ Wilielmus Dei gratia Rex Siciliae, Ducatus
Apuliae, et Principatus Capuae,
Leonati venerabili Abbati Monasterii Sancti
Clementis fideli suo, salutem et dilectio¬nem.
Literas honestatis tuae, per quas Curiae
nostrae supplicando mandasti, ut liceret
tibi venire Panormum ad Curjam nostram,
et ibidem consistere in judicio cum Guilielmo
Morello: de his, qua proponis adversus
eum, vidimus, et in eo petitionem tuam
clementer admisimus. Mandamus itaque et
praecipimus fidelitati tuae, ut his visis literis
statim venias ad Curiam nostram; nos enim
mittimus praecipiendo jam dicto Guilielmo
Morello per literas nostras, ut ipse similiter
veniat Panormum ad Curiam nostram, paratus
respondere super his, quae tu proposueris
adversus eum.
Data Panormi mense Decembri sexto In¬dictione
quinta. ”
|
|