12. Invicem . Alter consideret quid boni alter faciat,
non ut invideat, sed ut exemplum bonum inde
sumat.
13. Quanto videritis . Diem dicit vel extremum
judicii, vel temporalis afflictionis.
14. Voluntarie . Causam reddit cur charitas sit
tenenda, et a malis sit cessandum; dum enim voluntas
peccandi est in nobis, nihil prodest hostia
immolata pro peccatis nostris.
15. Filium Dei . Gratiam Filii Dei in semetipso
conculcat, et sanguinem redemptionis pollutum, id
est, peccata purgare non valentem putat: et Spiritui
sancto, per quem confitenti peccata remittuntur,
contumeliam facit, qui voluntarie in peccatis
jacet.
16. Scimus enim . Superiorem sententiam probat:
Terribilis autem quaedam , etc.
17. Passionum . Passiones certaverunt contra eos,
ut patientiam ipsi amitterent et fidem negarent.
18. Amittere . Confidentiam divinae retributionis
|
|