pars suprascripti monasterii Sancti Martini, et eiusdem rectoribus
iam dicta terra, et monte absque omni contrarietate cuiusque
personis, hunc eidem venerabilem locis exinde emisimus iudicatum,
quem tibi Iohanni clerico atque scriba scribere iussimus. Actu
Suessa. Ego qui supra Maraldo iudex. Ego Petrus. Ego Garando.
Ego Leodelgardus clericus et notarius.
HOC tempore corpus sancti Mathei apostoli, quod primo
apud Ethiopiam, deinde Brittaniam, demum apud Lucaniam
per diversa tempora quieverat, eiusdem apostoli revelacione
reppertum, atque in Salernum translatum est. tunc temporis
Iohannes papa de Roma exiliatus venit Capuam, et rogatus
a Pandulfo principe, tunc primum archiepiscopatus in eadem civitate
constituit, Iohanne, eiusdem principis fratre, inibi consecrato.
Obiit venerandus Paulus abbas sextodecimo kalendas marcii, anno
Dominice incarnacionis nongentesimo octogesimo primo, indiccione
nona. Aligerno vero abbate in Casino, triginta septem annis exactis,
Manso succedit.
|
|