(138) Rectus homo in prosperis idem permanet et adversis.
(139) Regimen habet egregium qui se ipsum regit debita ratione.
(140) Rimari que sunt dubia pertinet ad prudentem.
(141) Rationis igniculus fere in ignavis et secordibus est extinctus.
(142) Sequi vestigia sapientum est virtus maxima et profectus.
(143) Senioribus causa temporis est in plurimis deferendum.
(144) Solus sapiens recte perficit quod intendit.
(145) Sociorum dilectio terrarum non debet intercapedine defervere.
(146) Sapientia vera est in virtute potius quam sermone.
(147) Satis iam didicit qui servire Domino non ignorat
(148) Tempus postulat ut quandoque servo dominus famuletur.
(149) Temperantia cibi et potus magna salus in homine conservatur.
(140) Tela insultantis libidinis potest homo vincere fugiendo.