concione: se ab obsidione castri non discessuros per imperatorem
nec per illum exercitum, quem posset de Longobardis
colligere, donec ipsum castrum caperent. In die vero Veneris
sancti cum predicto exercitu supra Lambrum castrametatus
fuerat inclitus imperator, et iam cum comite de Barcellona,
qui ad ipsum venerat cum quinquaginta militibus, ad
prefati castri tendit auxilium. Cum autem Mediolanenses hec
pro certo cognovissent, scientes imperatorem tam fore animi
robusti, quod nullatenus dirmitteret, quin prelii fortunam cum
ipsis experiretur, metu maximo compulsi reversi sunt Mediolanum
in die sabbati sancti, relictis apud castrum manganis
et petreriis atque gattis aliisque eorum machinis et igne combustis.
Et in die pasche maioris Cremonensibus aliisque multis
militibus, qui cum imperatore iverant, Laude reversis, in sero
magna pars porte Imperialis usque ad portam combusta est
per quendam scutiferum cuiusdam militis Cremone, qui non
sapienter in quadam domo ignem portabat.
Et in ipso eodem mense Marcii fuit inceptum palacium
|
1
5
10
15
|