conserva. ut quos praetioso sanguine redemisti in terris. aeterna
facias cum sanctis tuis gloria munerari in celis. <Quod ipse> presta<re
digneri>s qui.
ALIA ORATIO
Omnipotens sempiterne deus qui tua clementia visitasti nos
in miseratione et misericordia. per Ihesum Christum filium tuum dominum
deum redemptorem nostrum. et donasti fiduciam nobis humillimis
peccatoribus. et indignis servis tuis <ad>sistere ante sanctum
<alta>re tuum offer<entes tibi rationabile istud> et inmaculatum
sacrifitium pro nostrorum crimine peccatorum. et pro
populi tui ignorantia. respice propitius super me inutilem servum
tuum et dele facinora et peccata mea. Et munda labia mea et cor
meum ab inquinamento cordis et corporis. et fac <habun>dare in me
<gratiam Christi tui> et virtu<tem spiritus sancti tui> in sa<crum
ministerium> istud. Et suscipe licet me indignum propter
multitudinem bonitatis tuae accedentem ad sanctum altare tuum.
et placatus ac benignus fac domine accepta fieri offerentium tibi
dona ista ex manibus nostris. ad abiciendas et sanandas omnes nostras
infirmitates. Et <ne pro>icias me <a facie tua> et ne <despicias
humilitatem> fragilitatis meae. sed miserere mei misericors
deus secundum misericordiam tuam. et secundum multitudinem
miserationum tuarum dele iniquitatem meam. ut sine condempnatione
introeam ante conspectum sanctitatis gloriae tuae. Et ut merear
obumbrari gratia unigeniti filii tui et splendore <spiritus sancti
tui> misere<re mei ne ut serv>us tuus <peccati reprobus effici>ar <sed
ut servus tuus fidelis> inveniam gratiam et misericordiam
tuam in conspectu tuo domine. et remissionem omnium peccatorum
in hoc seculo et in futuro. Per eundem.
ALIA
Deus omnipotens miserere ac propitius esto mihi supplici et peccatori
famulo tuo. quia non sum sicut <innumeri se>rvi tui <contemptu
saeculi> sub<limes iusticiae. merito gloriosi. castitatis lau>de
angelici. Et sicut innumeri eorum qui post publica flagicia. poenitendo
tibi meruerunt esse devoti. Qui si quid boni tua gratia largiente
fecero. quo sine illud faciam quave a te districtione pensetur ignoro.
Et ideo suppliciter misericordiam tuam de<praecor> clementissime
<pater. ut quo>d meritis ob<tinere non valeo> tua gra<tuita bonitate
me a peccatorum meorum sordibus> emundes. gratiamque
sancti spiritus infundens. dona tua quae mihi inmerito contulisti
conservare. et ea quae desunt iugiter digneris augere. quatinus
me dignum tuis altaribus ministrum efficias. atque officium sacerdotale
quod indignus caelebrare presumo. tibi semper acceptabiliter
persolvere con<cedas. Sacrifi>tiumque <meis manibus licet> inm<undis