14. Non enim audemus . Inserit et comparem se
facit aliquibus, qui opera eorum imitantur. Non,
inquit, volumus imitari eos, qui seipsos commendantes
adulantur vobis; sed bona vestra laudamus;
mala punimus. Quales verbo, tales et facto.
15. Sed ipsi in nobis . Metientes sumus nosmetipsos,
id est, conscientiis nostris comparantes nosmetipsos
nobis, id est, nostris operibus, viribus, ne plus,
vel aliud dicamus, vel conemur quae facere possimus,
vel debeamus.
16. Nos autem non in immensum . In tantum, inquit,
gloriabimur, ut vestros esse apostolos nos dicamus;
haec est enim mensura gloriae nostrae quam mensus
est nobis Deus.
17. Secundum mensuram regulae . Exponit quomodo
intelligendum sit quod superius dixit: in immensum
gloriabimur.
18. Pertingendi usque ad vos . Mensura nostrae
praedicationis pertingit usque ad vos, id est per
mensuram praedicamus, quia invasionem non facimus.
Et hoc est quod dicit: non enim , etc.
19. Quasi non pertingentes . Si alii ante hunc
Apostolum in praedicatione Corinthiorum laborassent,
et iste se eorum Apostolum vocasset immensum,
id est, ultra modum gloriari videtur.
20. AMBROS. In vobis magnificari . Magnificari se
credit apud Deum, si augeantur in fide auditores illius.
21. LANFR. Secundum regulam . Regulam hic vocat
regimen, secundum hoc, inquit, quod vos regimus,
a vobis, id est, per vos a Deo magnificamur.
22. In abundantiam . In abundantia autem dicit,
vel quia haec praedicatio super praedicationem apostolorum
abundavit, vel quia in ea erat abundantia
donorum Dei.
23. Etiam in illa quae ultra . Spem hanc, inquit,
habemus evangelizandi fidem Christi in illa loca quae
ultra nos sunt.
|
|