15. Et cum iterum . Ordo: et cum introducit, etc.
Iterum dicit
16. Introducit Primogenitum , etc. Item probatur
quia dignior est angelis, nam adoratur ab eis; et
omnis qui adoratur dignior est adorante. Deinde
etiam probatur ipsos esse indigniores, qui ministrant
ei, et hoc ab auctoritate, quod est: Et ad angelos ,
etc., et: Qui facit angelos , etc.
17. Et adorent . Incarnatum Verbum adorare admonendi
erant angeli; in ipsa divinitate admonitionis
non indigebant.
18. Ad angelos . Ordo: qui facit spiritus suos angelos,
et flammam ignis suos ministros.
19. Thronus tuus Deus . Item probatur dignior; nam
thronus, id est, sedes ejus et sceptrum ejus manet
in aeternum; quod non est angelorum.
20. AMBROS. Thronus tuus . Thronus Dei ad judicium
pertinet futurum; in saeculum saeculi ait, quia
novissimum judicium aeterna discretione stabit.
21. Virga regni . Haec virga fortitudo est invicta,
aequitas rectissima, inflexibilis disciplina.
22. Dilexisti . Ipsa est virga recta, amare aequitatem,
odisse iniquitatem.
23. Propterea . Unctus Christus et regem significat
et sacerdotem; sed illa natura unctus dicitur,
qua natus et passus; quod dicit Deus, praeconium
magnae dilectionis ostendit. Oleum laetitiae est, peccati
maculam non habere; unde conscientia exhilaratur,
quando nulla asperitatis recordatione
mordetur.
24. Participibus . Filiis hominum dicit.
25. In principio, Domine . Post humanitatis excellentiam,
iterum ad aeternitatem Filii se
convertit.
26. Ipsi peribunt . Pereunt ab eo quod sunt, dum
immutantur in melius.
27. Quoad usque [al., donec ] ponam inimicos tuos .
|
|