Gregorius de Catino: Chronicon Farfense

Pag 229


prędecessoribus perminitati sumus, hic conquiescere et amovere
suis fecit temporibus. si quando enim aliqui subditorum delinquere
ferebantur, ipsi solummodo puniebantur et corripiebantur.
immunes vero et sine culpa cum iniquis minime condemnabantur.
interea capitanii et comites ac viri nobiles, fortitudinem illius
experientes, aliquantulum a nostra lesione cessarunt, et cum non
possent apertius, clandestinis machinationibus mala contra hoc
monasterium exercere moliebantur. unde factum est, ut, quia
huius bona ecclesię invadere sibique assumere, sicut erant soliti,
nequibant domni abbatis B[eraldi] terrore compressi, ceperunt
oblationes mortuorum de suis terris et hic virorum sepeliendorum
et queque munuscula solita invidiose suptrahere, et in quantum
quibant huius ecclesię antiquissimam libertatem minuere, et domno
abbati, in quibuscumque causis valebant, omni nisu lesiones facere,
et ne huius bona monasterii augmentare posset contrarii
per omnia existere.
Anno autem dominicę incarnationis millesimo atque centesimo
tertio, mense novembris, quidam viri nobiles habitantes territorii
Sabinensis et in castro quod vocatur Foranum, una cum uxoribus
et filiis suis, respectu inspirati divino, pro delictis suis et propter
timorem Dei et mercedem animarum suarum refutaverunt et restituerunt
in hoc monasterio et domno B[eraldo] abbati quicquid
eis pertinebat per scriptum tertii generis, quod olim susceperant
a domno Berardo primo abbate, de pręfato castello Forano et
Colle de Nera, qui eis pertinebat per acquisitionem infra hos fines:
a primo latere rigus Calentinus venientes ad rigum Roianum, et
in rigum Gabinianum, et in Amenzanum, et in Laiam Episcopii,
et in flumen Tyberis, et revertentes in Calentinum. insuper,
quęcumque habebant et possidebant infra suprascripta vocabula
eorumque pertinentias sive fines iure hereditario sive acquisitione
aut emptione vel successione et quocumque modo aut actione.
similiter, Petrus filius Grazonis refutavit et reddidit turrem et castellum
Marciliani in hoc monasterio et ad domnum suprascriptum
B[eraldum] abbatem. huic facto interfuit et consensit

Torna all'inizio