n. 18
Innocentius episcopus, servus servorum Dei, dilecto filio
magistro Andreae de Episcopo civi Capuano salutem et
apostolicam benedictionem. Pura fides quam ad nos et
apostolicam sedem habere dignosceris, nostrum instanter
sollicitat animum, etc. Hinc est quod cum Conradus
natus quondam Frederici olim Romanorum imperatoris
tibi destitutionem domorum et aliarum possessionum
tuarum intulisse dignoscitur, pro eo quod ipsi ecclesiae
mente stabili adhaesisti, etc., unam de startis de Belasois
quarum alteram magistro Petro de sancto Herasmo civi
Capuano duximus conferendam, nec non et demos cum
viridario, arbustis et terris aliis eisdem annexis prope
ecclesiam sancti Francisci, quae fuerunt quondam Petri de
Vinea, etc.
n. 19
Eodem modo scribitur venerabili patri Ottoboni sancti
Adriani diacono cardinali hoc adjecto: «Cum nepotes
|
|