COMMUTACIO DE PRESA IN CAPUA CUM IOHANNE
ABBATE SANCTI BENEDICTI.
IN nomine domini nostri Iesu Christi. Anno imperii domni
nostri Constantini septimo, et quinto anno patriciatus domni nostri
Landulfi, nec non et quinto anno domni nostri Atenulfi principis,
mense novembris, tercia indiccione. Ideoque ego Iohannes, in Dei
nomine abbas monasterii Sancti Benedicti, olim situs supra montem
Casino, dum congruum fuit michi et domno Godelperto, venerabili
abbati monasterii Sancti Vincencii, olim situs erga Vulturni
fluvii fontes, commutacionem facere, ut ego ei darem terram
iam fati nostri monasterii, de intro hanc Capuanam civitatem, que
esse videtur a parte de fluvio iuxta muros huius civitatis, et ab
ipso reciperemus in commutacionem, ad possessionem predicti nostri
monasterii, terram predicti sui monasterii, que similiter intro
hanc Capuanam civitatem esse dinoscitur, propinquo porta Sancti
Angeli, iuxta muros eiusdem civitatis. et dum utrisque congrueret
ex utraque parte nunciavimus hoc supradicto domno Landulfo illustrissimo
patricio, ut illo permittente hanc inter nos firmaremus
commutacionem. ipse autem piissimus patricius, pro amore omnipotentis
Dei et anime sue mercede, accersitum missum suum
|
|