SENTENTIA A GREGORIO PAPA VII.
Promulgata contra pervasores possessionum
Monasterii Sancti Clementis.
“ Si quis Normannorum, vel quorumlibet
hominum, praedia Monasterii Beati Clementis
invaserit, vel quascunque res ejusdem
Monasterii injuste abstulerit, si bis vel
ter admonitus non emendaverit, excommunicationi
subjaceat, donec resipiscat, et Ecclesiae
fatisfaciat. Si quis praedia Beati Clementis
ubicumque posita in proprietatem
suam usurpaverit, vel sciens occultata non
propalaverit, vel debitum servitium exinde
Beati Clementi non exhibuerit, recognoscat se
iram Dei, et Sancti Clementis velut sacrilegus
incurrere. Quicunque autem in hoc crmine
deprehensus fuerit eandem hereditatem
Beati Clementis restituat, et poenam quadruplum
de propriis bonis persolvat Quicunque
Militum, vel cujuscunque ordinis, vel
professionis persona, praedia Ecclesiastica a
quocunque Rege seu seculari Principe, vel
ab Episcopis, invitis Abbatibus, aut ab
aliquibus Ecclesiarum Rectoribus suscepit
vel susceperit, vel invasit, vel etiam eorumdem
Rectorum depravato sententioso
consensu, tenuerit , nisi eadem praedia Ecclesiis
restituerit excommunicationi subjaceat.
Romae in universali Synodo praesidente Beato
Gregorio Papa ab eodem promulgata,
ab universali Concilio comprobata”.
Istae vero literae, quas inde fieri jussit, ab eodem
Apostolico per eundem Domnum Trasmundum,
a se jam Abbatem et Episcopum ordinatum,
ad Conventum Ecclesiae Sancti Clementis sunt
destinatae, ut observandae perpetuo cum privilegiis
in Piscariensi Monasterio reserventur.
Igitur cum Domnus Trasmundus Episcopus
et Abbas esse ordinatus, regebat utramque
Ecclesiam, et negotia utriusque separatim agebat,
nam aliquando in Sancto Pelino, aliquando
in Monasterio habitabat.
1074.
Cujus in tempore, anno videlicet Incarnationis
Dominicae currente millesimo septuagesimo
quarto, Indictione duodecima, quidam
nobilis et illustris vir, Obertus nomine, quondam
Guidonis filius, pro remedio salutis animae
suae quicquid sibi pertinebat de Castello,
qui dicitur Petrace de Sancto Valentino, Beati
Clementis Monasterio tradidit, et per manus
praedicti Abbatis confirmavit, indeque literas
confirmationis fieri fecit. Abbas praeterea
Trasmundus ut sapiens vir, dum plus studeret
in praesentibus quam provideret futuris, in hoc
facto Castellum, quod foris erat intromittens,
aedificavit in Insula, et ipsum turre et moenibus
circumdedit, viros et mulieres habitatores
ipsius Castelli instituit; transitum suum et habitatorum
ejusdem ante portas ipsius Castelli
communem fecit: hac nacta occasione, quia
Toccenses infestabant habitatores exterioris
Castelli .
1075.
Praeter haec etjam sequenti anno, qui est ab
Incarnatione Domini annus millesimus septuagesimus
quintus, Rainardus, supradicti Oberti
filius, eodem, et simile ordine ac tenore quo
et pater ejus, quartam partem sibi residuam
de suprascripto Sancti Valentini Castello devoto
|
|