debellati, capti et occisi in maxima quantitate per dictum regem Fredericum et gentem
suam.
Item, eodem anno, suprascriptus donpnus Iacobus rex Aragonum separavit se a societate
predicti regis Karuli, pro eo quia dominus papa Bonifacius noluit sibi dare stipendia,
que sibi promiserat.
Item, eodem anno millesimo ducentesimo nonagesimo nono, indictione XII, dum domini
de Colunpna de Urbe romana, propter eorum inobedientiam, essent per summum pontificem
condenpnati, et, tanquam heretici et sismatici, repulsi usque in quartam generationem, tam
descendentium, quam colateralium utriusque sexus, et privati omnibus eorum bonis et iuribus
ac privilegiis, tam laicatus, quam clericatus; et aliqui ex eis venissent in provinciam Romaniole
ad quoddam eorum castrum nomine Montemveclum, quod extaret extra supra Forlivium, in
montanis; et, per literas ipsius domini pape, missas episcopis Faventie et Forlivii et per universum
orbem, ipsi Colunpnates essent excomunicati, et, ut rebelles ecclesie ac heretici, evitandi
et repellendi; volentes domini Maghinardus de Sosenana capitaneus populi civitatum
Faventie et Forlivii et Galassus capitaneus civitatis Cesene, secundum voluntatem domini
pape, persequi predictos Colunpnates, cum eorum exforcio dictarum civitatum, fecerunt exercitum
supra dictum castrum Montisvecli, et, finaliter, ipsum castrum, cum omnibus eorum
iuribus, ad eorum mandata habuerunt, ponentes in ipso castro bonos et fidos custodes, qui
ipsum castrum custodirent et salvarent, donec a domino papa receperint literas, quid de
ipso castro vellet fieri debere. Et hoc fuit dicto anno, die martis XXVII mensis octubris.
Item, eodem anno, factus fuit potestas Faventie, in kalendis novenbris, pro uno mense,
dominus Maghinardus Paganus de Sosenana, donec alius potestas veniret, qui fuit dominus
Iohannes de Monte Açanico filius condam domini Ugolini de Sinno de Ubaldinis, qui venit
Faventiam, et intravit et iuravit et incepit regimen die martis primo mensis decenbris, et
fuit potestas pro sex mensibus, scilicet usque ad kallendas iunii anni sequentis.
Item, eo anno, de mense decenbris, et etiam in anno tunc sequenti millesimo CCC,
fuit magnus conflictus et magna strages de gente regis Karuli in provincia Scicilie.
………………………………………………………………………………………………….
Anno Domini nostri Ihesu Christi millesimo trecentesimo, indictione XIII, dominus
Maghinardus Paganus de Sosenana capitaneus civitatum Forlivii, Favencie et Imole habuit
ad mandata sua castrum Linarii supra Imolam, quod castrum erat Alidoxii de Massa; circa
quod castrum steterat in obsidione per duos menses et ultra, faciendo iactari in eo quatuor
manganos continue, die et nocte. Et, dum vellet dare prelium ad ipsum castrum, die dominica
XXI februarii, illi, qui erant in ipso castro, concordaverunt cum eo, et, salvis eorum personis
et rebus, reddiderunt sibi castrum, qui fecit eum devastari et explanari totaliter.
…………………………………………………………………………………………………..
[Domini no]stri Iesu Christi, incipiente dicto anno trecentesimo, debellati sunt dictus soldanus
|
|