magna erga nos qui in eum credimus ab eo efficientur;
et hoc explanat memoranda quae in Christo
facta sunt. Et considera quia non dicit gloriam haereditatis
absolutae, sed divitias gloriae; neque virtutem
ejus, sed neque magnitudinem virtutis ejus; sed
vehementius: quae sit supereminens magnitudo virtutis
ejus.
25. LANFR. Qui credimus , etc., id est, qui credimus
omnia quae operatus est in Christo, possit operari
in nobis, id est, resurrectionem.
26. AMBROS. Constituens , hoc est participem illum
honoris accepit, de suscepto homine id dicens, propter
inhabitantem mecum [ f ., secum] naturam verbi
Dei.
27. LANFR. Supra omnem principatum , etc., id est,
super angelorum et archangelorum nomina, quae
modo sciuntur, et super omnia quae ad praesens
ignorantur: vel super coeleste et terrestre nomen.
28. Et omne nomen . Hoc est sive aliquid secundum
praesentem vitam nominatur, et cognoscitur
esse magnum quod nos in futuro cognoscere poterimus,
quod nunc forsan nescimus, omnium illorum
superiorem fecit.
29. Quae est corpus ipsius . Corpus ejus sumus, similitudinem
naturae, et participem spiritus suscipientes,
et corpus unum erimus omnes, quia communem
suscepimus resurrectionem et immortalitatem.
In ordine vero caput nobis Christus erit: ex
quo omnis causa secundae regenerationis in nos
derivasse videtur.
30. LANFR. Plenitudo ejus . Plenitudo Christi est
Ecclesia, quia in ea et per eam adduntur membra
Christo, id est, fideles.
31. AMBROS. In omnibus adimpletur . Hoc est in
omnibus plenus est. Necessario autem adjecit omnia,
ostendens totum existere in omnibus, prout quis
cogitare voluerit sive essentia, sive in operatione,
sive in virtute.
|
|