Cremonensibus et octuaginta de Laudensibus ad imperatoris
auxilium pergant, aliis omnibus tam militibus quam peditibus
Laude remanentibus. Igitur in die Mercurii, in quo fuit festivitas
sancti Laurentii, omnes predicti equites circa vesperas
iter arripiunt, copiam victualium imperatori maxime necessariorum,
sicut per litteras Laudenses acceperant, secum ducentes;
quod equidem in maximum eorum detrimentum redundavit.
Propter asinos enim pane onustos et pigre incedere valentes
tantam in itinere moram fecerunt, quod ipsa die et in
nocte proxima tota ambulantes non potuerunt ire nisi usque
Marlianum. In quo loco quidam miles Mediolani videns eos
ire ad imperatorem et belli peracti conscius per aliam viam
subito ad exercitum Mediolanensium currendo equitavit, eis
aperiens, qualiter Cremonenses et Laudenses prelii peracti
nescii ad imperatorem pergerent. Quo audito Mediolanenses
dato signo inpigre ad eos equitant et ipsos invenerunt inter
locum Canturii et castrum, quod dicitur Baradellum,
quasi circa horam terciam diei Iovis supra quandam aquam
et paludem, ubi dicitur ad Aquam Nigram. Ibique magno
|
1
5
10
15
|