Noveritís, nos recepisse litteras sanctissimi patris domini
M pape iiii, tenoris et continencie infrascripte: Martinus
episcopus servus servorum dei etc. ponatur totus tenor
litterarum postmodum sic dicatur:
Volentes ergo mandatum huiusmodi reverenter exequi,
ut tenemur, vobis auctoritate qua fungimur districte precipiendo
mandamus, quatenus prima die post festum sancti
Martini proximo futurum, si dies feriata non fuerit, alioquin
proxima die iuridica tunc sequenti, per vos vel
per responsalem ydoneum coram nobis R conparere
curetis, proposituri super premissis omnibus quidquid iuris
vel facti volueritis, et hiis que per aliam
partem proposita fuerint prout iustum fuerit responsuri.
Alioquin contra vos ut iuris ordo fuerit procedemus.
|
|