10. AUGUST. ( epist . 59, ad Paul in quaest . 7. t. II.)
Et praeputio carnis . Praeputium vocat, quod significatur
praeputio hoc est delicta carnalia, quibus expoliandi
sumus.
11. AMBROS. Delens quod adversum nos . Chirographum
adversum nos legem vocat eo quod erat contraria
nobis hoc est non permittens assequi propter
suam scrupulositatem. Hanc delevit resurrectione
et immortalitate.
12. LANFR. Decreti . Decretum Dei fuit, de ligno
quod est in medio paradisi, ne comedas . Hujus decreti
violati chirographum ( id est , memoria) delevit
Deus, quando peccatum primi parentis humano generi,
per fidem sanguinis Christi dimisit et ipsius
praevaricationis peccatum oblivioni tradidit.
13. Exspolians . Spoliavit Christus infernales potestates
animabus quas habebant, vel habiturae
erant, in cruce pendens vel ad inferna descendens
traduxit easdem potestates, id est, ab Ecclesia sua
exterminavit, sicut in Evangelio dixit: Nunc princeps
hujus mundi ejicietur foras . Vel fideles suos de
infernis secum duxit confidenter, velut homo Deus
sine peccato.
14. Palam , id est, in cruce, vel cum angelicis legionibus
ad inferna descendens, triumphans illos,
id est, vincens in semetipso, id est, in passione sui
corporis, in praesentia suae majestatis.
15. Nemo ergo . Quia ergo in Christo circumcisi
estis spirituali circumcisione, nemo vos nihil debentes
legi judicet, id est, damnabiles faciat, suadens
cibo vel potu abstinere, vel uti Judaeorum.
16. AMBROS. Nemo ergo vos , id est, nemo vos
decipiat, aut bravium vestrum tollat.
17. HIERON. Nemo vos judicet . Nemo vos superet,
nemo adversum vos bravium accipiat, sicut quis in
certamine iniquitate agonistae, vel insidiis magistrorum
perdit bravium.
18. Nemo vos judicet . Nemo vos judicet, et de
his qui magistros legis esse jactant, in cibo et potu,
quod alia munda sunt, alia immunda, aut in parte
dici festi, ut alios dies festos putent esse, alios non
|
|