sunt ante eas, et illas colunt et adorant, ut dicunt et fingunt
se ex tradicione Ade ritum talem suscepisse, quia ex ligno dicunt
Adam futuram sperasse salutem, et consonat illi versui Dauid:
Dicite in gentibus, quia dominus regnabit in ligno, quamvis
secundum hebraicam veritatem melius dicatur «curabit a ligno».
Isti eciam nunquam in crastinum servant aliquid in domo sua,
in arena iacent, nudipedes incedunt, baculos in manu gestant;
tunica quasi fratrum Minorum sine capucio et mantello ad
modum Apostolorum plicato super humerum sunt contenti. Vadunt
omni mane processionaliter pro prandio mendicando risum,
occurunt eis principes cum maxima devocione vel alii et dant
ad mensuram et numerum personarum. Lixum in aqua comedunt
cum lacte nargillorum et musis.
3. Hec vidi oculis meis, et fecerunt michi festum quasi essem
de ordine eorum.
De generacione et multiplicacione generis (503).
De oblacionibus Abel et Caym (503-4).
De filio Ade Seth sancto (504).
De generacione et multiplicacione bonorum (504-5).
De gigantibus (505-6).
De diluvio et composicione arche Noe, capitulum (506).
II.
Secunda etas, et incipit secundus liber, qui Monarchos nominatur (506-7).
1. Noe egresso de archa cum uxore et tribus filiis et totidem
uxoribus residentibus in monte altissimo Ararat vel Armenie,
|
|