[Capitulum II]
DE NARRACIONIBUS AD PAPAM ET CLERICOS ALIOS,
TAM SUBDITOS QUAM PRELATOS
1. De communi recommendando se
Exortum est in tenebris lumen cunctis fidelibus et devotis ecclesie
dum Summus Pater nuper sua benignitate concessit solium pontificatus
eximium salubriter reformari salubri vestre prudencia sanctitatis. Nos
igitur, ex hoc pro debito gaudio inextimabili ac leticia pocientes inmensa,
Vestre clemencie genutenus supplicamus, qui nos prompte et fervide
semper optavimus statum felicem et prosperum sancte matris
ecclesie, ipsiusque devotissime parere mandatis, ad pedes vestros commendatos
recipere Vestre sanctitatis benignitas condignetur.
2. Re.sponsiva quod placet
Devota fides, quam olim sancte matri ecclesie sine temporum intermissione
gessistis, et indubie operibus associata legitimis, nota nobis.
Ex quo proconsecrati scire vos volumus quod inter alios, quos ipsa
mater ecclesia sibi subditos ascribit et fideles, vos amplectimur dileccione
et recommendacione veraci, quam in posterum, iuxta exigens
tempus, dignis et debitis favoribus prosequemur.
3 . De canonicis ad papam pro confirmacione episcopi
Hinc est quod, licet recitemus tam ex virtutum norma quam sciencie
disciplina, Deo et hominibus carus pie memorie .D., olim episcopus
noster, de proximo preterito mensis aprilis migravit ad celum. De
cuius obitu simul cum suis fidelibus omnibus unanimiter condolentes
in intimis, ea tantum parte consolari valemus, qua ipsum accepisse
credimus eterni triumphi bravium gloriosum. Nos autem, scientes
ad hoc ex decreti lege teneri, simul, ut moris est. in nostro capitulo
congregati, scrutinio vocum a maiori parte obtento, dominum ...
ecclesie ... canonicum, vite honeste moribus et mire sciencie fulgentem
insigniis, in nostrum episcopum elegimus et pastorem. Quapropter,
ad pedes sanctitatis vestre genuflectimus humiliter deprecante quatenus
ipsum cum sue eleccionis publico decreto, quomodo transmisimus,
graciose dignemini confirmare, scientes ipsum tam clero quam
populo acceptabilem atque gratum.
|
|