Salutatio ad amicam.
"Amice dulcissime pre ceteris amantissime A. post faretram
cupidinis lineam Veneris, sue anime dimidium continui
amoris dulcedinem, diuturni amoris crementum, intimam cordis
dulcedinem, desiderantis amoris effectum, mentis et corporis
unitatem, quicquid amantibus congruum, indissolubilem sue
anime dilectionem, eiusdem voluntatis desiderium, quicquid
amicis desiderabilius".
Salutatio ad servos a dominis.
"A. Guidonis Manfredi filius P. servo suo gratiam et
benivolentiam, gratie et benivolentie commodum, herilem in
cunctis benivolentiam, herilis benivolentie dilectionem, sue benignitatis
commodum vel utilitatem, suorum fertilitatem bonorum,
suorum premia commodorum".
Has delegare conveniens est, cum in beneplacito domnorum
servi consistunt; si autem in eorum offensione * permaneant, ob
malivolentiam et terrorem insinuandum talibus utentur salutationibus:
"Gratiam secundum meritum, gratiam secundum
operis factionem vel exibitionem vel effectum, dignam pro
meritis benivolentiam, dignam meritorum recompensationem,
dignam pro factis mercedem" et similia. Si autem alicuius iram
exaggerare voluerit, nulla alicuius orationis series componatur
nisi a persona.
Salutatio patris ad filium.
"G. B. V. montis Sambucei procurator H. dilecto filio
vel sibi filiali dilectione coniuncto salutem omnimodam et
|
|