Hoc tempore vir quidam, Acefrid nomine, optulit se ipsum
cum omni re et possessione sua de vico Terenciano, loco Lucere,
in venerabili monasterio Beati Vincencii martyris, per huiusmodi
descripcionis textum
DE CASALE IN TERENCIANO LOCO LUCERE.
IN nomine Domini. Octabo anno principatus domni nostri
Radelchis magni principis, mense marcio, decima indiccione.
Ideoque ego Acefrid, filius quoddam Aldefrid, habitator qui sum
in Terenciano, Lucerinis finibus, pro redepmcione anime mee offero personam meam et omnes res substancie mee, quas habui in
Terenciano, et in alia loca ubicumque habuerimus, tam curtis,
vineis, terris, olivetis, pratis, silvis, pascuis, aquis, viis, limitibus,
pomifera, et cum querencius et diversis finibus suis in monasterio
Sancti Vincencii, quod situm est super fluvium Vulturnum, ubi
vir venerabilis Iacobus abbas regimen tenere videtur. ea silicet
racione, ut amodo et semper persona mea et omnes res substan-
cie mee in predicto monasterio remaneat possidendum, et perpetuis
temporibus securiter et firmiter habeatis et possideatis personam
meam, et omnes res substancie mee in predicto monasterio, sine
heredum meorum aut cuiuslibet molestacione. Et hec cartula
offercionis in eo tenore firma permaneat, sicut te Hilpianum notarium
scribere rogavimus. Actum in castello Sancti Angeli ad
Arcu Meta, feliciter.
At post plura bonitatis acta predictus pater Iacobus, peractis
in huius monasterii redimine annis .VIII., obiit pridie idus ianuarii,
anno incarnacionis dominice octingentesimo quinquagesimo tercio,
indiccione prima.
|
|