sororio nostro cum honorabili comitiva
nobilium transalpina, in ultramarinis partibus
vices agente nostras, de consilio Magistrorum
hospitalis, et Sanctae Mariae Theutonicorum,
et totius Christianorum exercitus pro parte nostra,
qui iura dilecti filii nostri Cunradi, in
Romanorum Regem electi, semper Augusti,
et regni Hierosolymitani haeredis, ejusdem regis
et regni moderamine fungebatur, cum Soldano
Babyloniae supra dicto, treugas fideliter et
prudenter iniit. Quas Magister domus Militiae
templi, cum caeteris terrae nobilibus indigenis,
et civibus Anconensibus ad speciale nostrae celsitudinis
odium [non ad commune bonum habendo
respectum] acceptare nullatenus voluerunt:
quin potius, more disparium aurigarum,
in diversis hinc inde partibus detrahendo
vehiculum, tandem prout eventus rerum edocuit,
in praecipitium devium vectores et sarcinam
deduxerunt. Haec vos latere non
credimus, fuisse praecipuam, immo solam originem
morbi praesentis, et causam, quae Soldanum
Babyloniae continuis etiam iniuriis postmodum
lacessitum, ad quaerenda remota suffragia
et ad desperanda coegit. Haec
quandoque Cismarinorum nobilium animos
a devotione seducent, qui divinitus
inspirati, ad reliquiarum illius terrae salutem,
votis ardentibus aspirabant: qui quanquam res
et personas exponerent pro praedictis, propterea
tamen ab ipsis iniuriari sibi indignum aestimant,