Guido Faba: Dictamina rhetorica

76


CXXXXVII.
De monacho ad abbatem et capitulum.
Dominis et fratribus plurimum reverendis, A. Dei gratia
abbati et capitulo Sancti Stephani Bononie, G. eorum monachus
et confrater salutem et devotionis intime famulatum.
Quidam malevoli et improbi detractores murmurando recitant
et referre publice non desistunt, quod excommunicationis sim
vinculo innodatus pro eo, quod non possum ostendere quod
cum vestra licentia sim in scholis, quam dicunt quod non
potui obtinere. Eapropter vestre dominationi supplico humiliter
ac devote, ut ad precludendam viam mendaciis, et ut
ianua pateat veritatis, mihi licentiam, quam vestri gratia contulistis,
mittere dignemini per vestras litteras sigillatas.
CXXXXVIII.
Responsiva de licentia data.
Notum sit omnibus hanc paginam inspecturis, quod nos
abbas et capitulum talis loci, G. nostro monacho et confratri,
sicut dedimus, ita damus licentiam et mandatum ut in scholis
Padue commoretur et scientie capiat documenta. Ad cuius rei
notitiam hanc epistolam conscribi fecimus et nostri sigilli
robore insigniri.
CXXXXVIIII.
De abbatissa ad abbatissam.
Sorori in Christo dilecte ac plurimum reverende domine
A. Sancti Gregorii abbatisse multa honestate et sapientia renitenti,
D. Sancti Columbani abbatissa, quamvis non suis meritis,
et indigna, salutem et illam quem mundus dare non potest

Torna all'inizio