Capitulum VIII
DE DOCTRINA QUANTUM AD EPISTOLAS RESPONSIVAS
Postquam iam per Dei graciam sufficienter et bene tractatum est
in precedentibus de hiis que visa fuerunt necessaria et utilia circa epistolas
missivas, nunc ultimo videndum est de hiis que utilia fuerint circa
responsivas. Illam autem epistolam appello responsivam, in qua, facta
prius mencione de recepcione missive, respondetur ad ea que in
missiva fuerunt declarata. Qualiter autem tales responsive per hunc
modum possint multifariam inchoari, forme infra scripte multiplices
dabunt modos.
1. De pertinentibus ad clericos
Adhibuimus aures nostras attencius, cor posuimus et mentem
defiximus hiis que ad presens nobis attulit tuum scriptum. Ad cuius
precata certo pro responso accipite. Magna nobis successit hilaritas
dum tue littere tenore percepimus quatenus, etc. Visa vestre magnificencie
pagina reverenter, me liberaliter attuli obedire mandatis, vel
iussioni parere. Tenore presencium fore cupio sapiencie vestre notorium
quod de hiis que vestra intimavit epistola, etc.
2. Quantum ad nobiles et potentes
Perquisito sollicite quod vestre nobis pagine tenor explicuit, pluribus
referentibus didici quod tales inimici nostri. Ad ea que michi
declarata fuerunt per vestre nobilitatis epistolam, verborum pretermissis
ambagibus, respondetur. Aspecta hilariter vestre nobilitatis
epistola, ecce breviter respondemus.
3. Quantum ad civitates
Grammate presenti conceditur quod nobis prudenter explicuit
gramma vestrum. Letati sumus abunde in hiis que dicta sunt nobis,
et conceptam in corde leticiam explicare litteris foret grave tantum
ad ea que innuit vestre intimitatis epistola. Responderetur proxime
futurum secundum proprium consequenter propositum vestre nobilitatis
epistole, si valuisset nostra possibilitas effectui demandare.
4. De responsivis inter consanguineos
Vestre care paternitatis cedula, quod tantum referebat iocundum
fuit et michi letandi materia, ad quam absque prolixitate percipite
responsivam. Visis tuis litteris, non modica fui circumfusus leticia, cum
|
|