VEL NARRATIO
6 Hinc est utique quod omni fama laudandum, honestate compositum, et litterarum scientia decenter eruditum clericum, ad commodum et obsequium vestrum venturum me acquisivisse sciatis, si .XL. remuneratione solidorum nostre monete se, qui vestre utilitati plurimum insudaverit, annis singulis gaudere cognoverit.
(NARRATIO)
7 Inde est quod clericum qualem michi dixistis inveni, quem ad honorem vestrum paratum esse noveritis, si .XX. solidos ei anno vobis exhibere placuerit.
NARRATIO
8 Quapropter per presentia vobis scripta significo, quatinus Bononiam quod michi melius videtur, si placet veniatis, aut quid super me facere velitis, vestris michi litteris significetis.
VEL NARRATIO
9 Quam ob rem vobis significare intendo, quatinus si vobis videtur honestum, ad partes istas venire properetis, aut quod de prefato clerico vobis placuerit inpresentiarum michi significetis.
VEL NARRATIO
10 Cuius rei causa paternitatem vestram cupio fore sollicitam, quatinus quid vobis super hoc facere placuerit, mee parvitati vestris litteris manifeste notetur.
8.
RESPONSIVA PRELATI AD SUBDITUM
1 Bernardus Aretine ecclesie plebanus licet indignus, G(uidoni) suo karissimo filio salutem, cum omni prosperitate.
|
|