autem videntes alii omnes equites et pedites et quid in veritate
ageretur ignorantes, putantes etiam Papienses omnes
exercitum Mediolanensem invasisse et illos timore Papiensium
tentorium eorum difixisse, omnes maximo timore perterriti
in fugam versi sunt, nihil fere portantes nisi sola arma; et
multi etiam sine armis usque ad Mediolanum fugientes abierunt.
Reliquerunt itaque fere omnia plaustra tentoriis, loricis atque
pane seu vino aliisque etiam rebus, quas secum portaverant,
onusta. Nam cum omnes simul per guadum fluminis Olonne
transire festinarent ac invicem se prepedirent, magna plaustrorum
multitudo in ipso flumine corruebat; bobulci vero
morari ibi non audentes cum solis bobus plaustris relictis
fugiebant. Pauci vero ex Mediolanensibus in campo per totam
noctem steterunt et maximam predam, que a recedentibus
dimissa in campo fuerat, recuperaverunt; sed tamen et ipsi
ante diem fugientes plus de decem milibus marcharum argenti
valentia in campo reliquerunt.
Revertamur itaque ad ystoriam.
Cum autem Mediolanenses per loca, ut diximus, deserta
ipsum regis exercitum duxerunt, in ipso die castrametati
|
1
5
10
15
20
|