Pag 279

innumerabilis populi multitudo. Quibus astantibus dixit
Alexander: "Quis ex uobis exilit primus incipere ludum?"
Clistomacus, quem superius nominauimus, urbe Thebana, respondit
dicens: "Si uestre complacet maiestati, ego accepta potestate
lucrandi ludum arripiam prima uice." Statimque iussit
Alexander luctam et uicit. Cui dixit Alexander: "Si ter uiceris,
coronaberis." Factumque est. Luctatus est secunda uice
et tercia uice et uicit. Statimque iussu Alexandri coronam accepit
Clistomacus in capite gloriosam. Dixerunt ei precones: "Indica
nobis nomen tuum." Clistomacus ait: "Sine ciuitate uocor."
Audiens hoc Alexander dixit ei: "O beatissime certator! Vt quid
sine ciuitate uocaris?" Clistomacus ait "O rex et maxime imperator!
Antequam regali dyademate fungereris, ciuitatem habui
populatam. Postquam uero imperium sumpsisti, ciuitate penitus
sum priuatus." Hec itaque respondens intelligens Alexander,
quod de Thebea diceretur, ait preconibus uociferantibus, ut
Thebearum potestatem habeat Thebeam reedificantem eamque
meo nomine possidendi. Factumque est ita etc.
De expugnacione Straxagoris de principatu
41. Deinde exiens de Chorintho uenit in ciuitatem, que
Platea dicitur. Cuius principatu quidam nomine Straxagoras
fungebatur. Et ingressus Alexander templum Dyane inuenit
sacerdotem feminam uirginem que sacerdotalem habitum uestiebat.
Que sacerdos femina, ut uidit Alexandrum, dixit: "Bene
uenisti, Alexander. Tu debes mundum triumphare uniuersum."
Alio itaque die ingressus Straxagoras templum, in quo erat ipsa
sacerdos. Quem, ut ipsa uidit, taliter alloquitur: "Quid uis,
Straxagora? Post paucos dies priuaberis principatu." Quo audito
Straxagoras iratus est ualde. Et dixit ei: "Non es digna sacerdocio
fungi." Alexander ingressus est et dixit "Et bene sibi uaticinata
fuisti." Straxagoras dixit: "Michi autem dixisti, quod totum
debeo perdere principatum." Cui sacerdos ait: "Noli irasci!
Sic enim oportet fieri et non potest ullatenus preteriri. Factumque
est, ut post aliquot dies Alexander iratus est contra Straxagoram
et ipsum de principatu suo deposuit et eiecit. Straxagoras
autem exiens ciuitatem abiit Athenas. Ibi de Alexandro cum
lacrimis conquestus est, quod suo principatu priuatus esset.
42. Athenenses hoc audientes irati sunt ualde dicentes contra
Alexandrum grauia malcri, ne Straxagore suum redderet principatum.
/*
Quomodo Alexander scripsit Athenensibus
Alexander autem amoto exercitu uenit Athenas et scripsit
eis epistulam ista continentem: "Alexander, filius Philippi et
Olympiadis regine, Athenensibus hoc dicimus: Postquam enim