Ioachim de Flore: De vita Sancti Benedicti et de officio divino secundum eius doctrinam

Pag 67


dominicis vero diebus de Apocalipsi; nimirum quia lecciones
epistolarum Pauli, que aperte sunt, cotidie utiliter legi poterant, de
libro autem Apocalipsis, non nisi in tertio statu quando servabatur
intelligendus, quia qui legit quod non intelligit, aut omnino steriliter,
aut non multum utiliter legit. Sequitur autem post ymnum
leccio de evangelio, quam debet legere abbas, qui tenet locum
Christi, nimirum quia post verba trium amicorum Iob et ipsius Iob,
qui quartam quodammodo leccionem legit, et Deum pre omnibus
glorificavit, locutus est et Dominus per seipsum, ostendens veritatem
<et> iuditium. Erit autem istud in illo pentecoste affuturo, quod
erit peractis leccionibus quatuor., cum veniens manifesta «ille Spiritus
veritatis, docebit nos omnem veritatem». Nobis ergo respondentibus,
amen, attestantibus quod vera et iusta sunt iudicia eius, docebit
nos ipse, laudare Patrem et Filium et Spiritum sanctum, quod
significat Te decet laus, et illud quod dicit Apostolus: «o altitudo
sapientie et scientie Dei: quam incomprehensibilia sunt vie eius, et
investigabiles vie eius, quoniam ab ipso et per ipsum et in ipso sunt
omnia: ipsi», et cetera. Erit autem quod reliquum erit temporis in
gaudio, donec sex vicibus alleluia cantetur. Sex etenim vicibus alleluia
cantanda est in statu tertio multiplicata psalmorum modulatione,
hoc est, a nocturno tertio usque ad nonam. Quod autem vespertinam
laudem cum antiphona persolvendam mandavit, quid aliud
intelligere possumus, nisi id quod Jezechiel et Johannes describunt,
venturum, scilicet, Gog prope finem seculi et castra sanctorum circumdaturum,
per quem draco rufus, ac si verbere caude, desperatius
pre solito persequetur electos? Sed et post completorium directaneos
et sine antiphona, quia finito iam mundi cursu, doctor non
erit qui exhortetur ecclesiam, sed quasi navis deposito velo impetus

Torna all'inizio