nec predictorum aliquo privilegiorum gaudentes, cum domino Pape
scribunt, se appellant humiles vel indignos. Cum autem paribus vel
inferioribus scribunt, huius appellationis loco divina permissione vel
miseratione utuntur.
16. DE DIVERSIMODA SCRIPTIONE DIGNITATIS ET SALUTIS, QUE FIT A
ROMANO PONTIFICE
Summus pontifex in litteris suis appellat imperatorem et reges dilectos
filios et illustres, hoc modo: Benedictus episcopus, servus servorum
Dei, dilecto filio Alberto, illustri regi vel imperatori Romanorum
et semper Augusto, vel regi Castelle, salutem et apostolicam benedictionem.
Patriarchas vero, primates, archiepiscopos et episcopos
appellat venerabiles fratres; ceteros vero tam clericos quam laycos
|
105
110
|