factus sacerdos secundum legem Judaeorum, quae
carnales observationes praecipiebat, quia non est
de tribu Levi, unde sacerdotes eligi ipsa lex jubebat,
sed secundum quod placuit virtuti divinitatis suae,
in qua et ex qua est vita insolubilis, id est, aeterna,
quae morte interveniente non solvitur. Aliter. Non
est factus sacerdos ut in sacrificiis observaret vel
observari praeciperet carnalia praecepta legis, sed
spiritualem intelligentiam, quae est virtus per quam
datur vita insolubilis: Littera enim occidit, spiritus
autem vivificat .
10. AMBROS. Secundum virtutem , id est, vitam in
semetipso habens insolubilem. Quamvis enim ad
tempus mortuus est carne, tamen in aeternum divinitate
vivit.
11. LANFR. Contestatur . Probat auctoritate divina,
quia secundum similitudinem Melchisedech, exsurrexit
alius sacerdos.
12. AMBROS. Secundum ordinem Melchisedech . Ordinem
autem ejus multis modis interpretatur quod
solus et rex fuit et sacerdos, ante circumcisionem
functus sacerdotio, ut non gens ex Judaeis, sed Judaei
ex gentibus sacerdotium acceperunt.
13. LANFR. Infirmitatem . Vetus lex infirma erat,
quia cultoribus suis perfectam justitiam dare non
poterat. Si enim cultores ejus perfecte justi essent,
post mortem statim requiem habituri coelum ascenderent.
Sed erat per ejus observantiam justificatio
nonnulla, peccatorum remissio aliqua, non tamen
plena.
14. Inutilem . Inutile fuit post adventum Christi
observare ea quae ideo fiebant, ut ea quae nunc fiunt,
praedicerent esse futura.
15. AMBROS. Introductio . Habuit quippe ex spem,
sed non talem; sperabant enim bene placentes, et
legem Dei custodientes possidere terram, nihil
aerumnosum pati; evangelica autem praecepta custodientes,
non terram sperant possidere, sed coelum.
|
|