salute nostra prophetatum est.
26. AMBROS. Ideo et per ipsum . Manifestum quia in
Deo veritas est, hoc est Amen, manifestata per
Christum.
27. LANFR. Per ipsum amen Deo . Per Christum
amen dicitur, quia Deus Pater, quidquid de eo promisit,
in eo complevit.
28. Ad gloriam nostram . Gloria apostolorum fuit
veracem praedicare Magistrum, et in quo promissiones
Dei completae sunt.
29. Qui autem confirmat . Quasi diceret: Quod in
Christum creditis, non nostrae praedicationi imputare
debetis, quia Deus est, cujus gratia in fide
confirmamur, et ad serviendum sibi mente delectamur,
quia etiam nos signo baptismatis ab infidelibus
separavit; et Spiritum sanctum, aeternae haereditatis
pignus, in cordibus nostris dedit.
30. AMBROS. Qui unxit nos , id est, qui dedit regiam
honorificentiam, ut dicit Petrus, quia sumus,
inquit, genus regale per unctionem spiritalem.
31. Dedit pignus . Si enim adhuc mortalibus Spiritum
suum dedit, dubium non est quin jam immortalibus
gloriam addat.
32. Non quia dominamur fidei vestrae . Fides non
necessitatis, sed voluntatis res est. Ideo dicit, non
quia dominemur fidei vestrae. Dominatus enim necessitatem
habet.
33. LANFR. Dominamur , etc. Diceret quis: Parcens
tunc vis nos cogere ad fidem. Non est, inquit,
ita, non dominamur fidei vestrae , non cogimus vos
ad fidem. Vel parcens dixit de quibusdam, qui fide
non stabant; et ne stantes fide putarent hoc dictum
de se, dicit, non dominamur fidei vestrae , id est, nolumus
exercere dominium in illos qui stant in fide,
sed adjuvare vos in emendatione corrigendorum.
34. AMBROS. Adjutores gaudii vestri . Sic in malo
|
|