35

ipsum investivit, et vexillum inde in eius manum commisit; et ut perpetuo feudum istud conservetur
et inviolatum permaneat, principem Boemorum, potentissimum utique virum, iurare
fecit. Et de his omnibus preceptum imperiale, aureo sigillo roboratum, fieri fecit, manuque
sue firmavit; in quo mille librarum auri penam inposuit omnibus personis, tam magnis
quem parvis, que contra hec facerent. Et sic cum magno honore prefati nostri legati in
proximiori XVII kal. Iunii sunt reversi, et hec in continenti in publico parlamento, multitudine
populi ibi coadunata, renuntiantes, et precepto seu privilegio publice perlecto, satis
sunt commendati, et immensas grates ab universo populo receperunt.
A.D. MCLXV. Ianuenses cum iudice Arboree et eius exercitu ivere in Sardineam
perveneruntque in Longoni Sardi et ibi sagittias IIII Pisanorum, in quibus erant milites et
negotiatores, cepere. Hoc audientes, Pisani XI galeas cum magno vigore armaverunt, inter
quas fuit una Vicariensium galea bene armata, et in Sardineam cum duobus consulibus
Petro et Guilielmo, ad expellendos Ianuenses miserunt. Que galee in itinere unam galeam
de Ladiana prehendiderunt; venientibus quidem Ianuensibus cum iudice in Arboream, milites
iudicis in terra posuerunt. Iudicem vero propter pecuniam, quem eis dare debebat,
in terram non posuerunt. Quibus judex pro pecunia obsides et partem pecunie, ut eum in
terra ponerent, dare voluit; qui partem, nisi totam pecuniam solveret, non receperunt. Cum
hec aguntur, Ianuenses audierunt quod VII galee Pisanorum, que Callari erant, veniebant
super eos, et Consul cum magno exercitu per terram, et XI galee de Pisis veniebant, relictis
militibus et negotiatoribus et navibus et sagittiis, prae timore Pisanorum, cum iudice usque
Ianuam fugierunt; qui VII idus Februarii Ianuam amplicuere. De quo facto Ianuenses magnam
habuerunt tristitiam, et iudicem in carcere tenuerunt. Pisani itaque Consules, qui in Sardinea
erant, milites et negotiatores Ianuensium cepere, et totam Sardineam sub tributo et fidelitate,
expulsis Ianuensibus, posuerunt.
A.D. MCLXVI. Pisani, qui in Turri erant cum XI galeis, predictis Pisanorum Consulibus
invitis et contradicentibus, infra terram ad villas Turris iverunt, easque predabantur
et devastabant. Sardi, hoc audientes, cum magna multitudine militum et peditum in Pisanos
quarto idus Madii, qui fuit vigilia Ascensionis Domini, impetum fecerunt, et de eis LXXX in
Villa, que dicitur Octavo, gladio occidere.