suosque heredes ad hec observanda obligando, hoc donationis
instrumento, die presenti, causa mortis, donavit,
dedit, tradidit et concessit tali et cetera, integre,
videlicet: tale quid, terram, domum vel res mobiles vel
inmobiles, et debet terminifinari, una cum omnibus
super se et cetera, ut si de hac egritudine decesserit,
et non convaluerit, et ipsum inde mori contingerit,
liceat eidem predicta omnia et singula habere, tenere,
possedere, et facere inde quicquid sibi placuerit, sine
alicuius contradictione vel molestia; quam rem ab omni
persona et loco defendere, pro se et heredibus, eidem et
eius heredibus promisit, et se et suos heredes obligans,
promisit ei non contra hec venire vel facere, [et si
contra venire] presu[m]pxerit, et omnia et singula non
observaverit et, ut dictum est, non defendet, promisit
eidem dare, et voluit ac iussit heredibus suis ut dent
et solvant et dare teneantur eidem, nomine pene et
pro pena, libras tot, et dampna et expensas resarcire,
et post hec omnia et singula firma perdurent, renumptians
et cetera. Vel ita: talis donavit tali talem rem
tali pacto et conditione appositis, quod si contingerit
ipsum mori sine filio vel filiabus legittimis, habeat, teneat
et possideat predictam rem et cetera, ut supra in
proxima donatione.
DE EODEM.
Vel ita breviter: talis filius I. obtulit et dedit se et
sua in tali ecclesia, in manus talis rectoris dicte ecclesie
pro ipsa ecclesia, et successit, recepit et promisit et fecit
ei obedientiam et reverentiam ut conversus, et ipse I.
presbiter, recipiens ipsum in conversum, investivit eundem
de spiritualibus et temporalibus bonis et rebus ecclesie
memorate, vel obtulit se tantum et servitium
suum, et non sua, et cetera, ut supra.
DE EADEM RE DATA TITULO ET NOMINE DOTIS.
Leo filius I., hoc dotali instrumento, in presentiarum,
in dotem et titulo et nomine dotis pro B. filia, vel sorore,
|
|