rependebant ad invicem cedes, predas et incendia necnon et
latrocinia. Factum est autem, ut Papienses, dum inferiores
essent, conductis aliunde precio legionibus ad devastandos
Mediolanensium fines accederent, Mediolanenses vero confederatis
sibi Laudensibus in illos insurgerent, licet pars
eorum non minima archiepiscopo duce aliis dimicaret in
partibus. Conveniunt utreque in campis acies ordinatis agminibus
vexilla in sublime ferentes. Fit vehemens partium in
sese concursus, bachantur certando diutius, divertunt tandem
Papienses a bello, adversariis insequentibus illos a tergo. Quibus
mox viriliter succurrit conducta extraneorum legio,
licet paulo post cesserit relicto Mediolanensibus campo. Fit
strages inmensa nobilium equitum et duarum urbium
lacrimabile detrimentum. Implevit denique dies illa veteris
idioma vocabuli; dicebatur enim antiquitus campus, in quo
conflixerant, Mortuus.
7. Per idem tempus ad instar Papiensium Astenses quoque
datum sibi reprobarunt episcopum, set prudentia comittisse
|
|