28.
1. Andreae festum colitur,
Lux clara piis oritur,
Per quem tenebras deserunt,
Ad uerum lumen redeunt.
2. Egeas in apostolum
Minaci frendet spiritu,
Per quem Achaiae populum
Cernit ire post Dominum.
3. Nescit minas pauescere,
Nequit tormentis cedere;
Flammantis ardor fidei
Non sentit uim supplicii.
4. Crucis uinctus patibulo
Laetus pendebat biduo;
In ipsa morte positus
Vitae manat eloquium.
5. Luce delapsa caelitus
Repente circumfunditur;
Qui sic obire meruit,
Lucis auctorem petiit.
6. Sit patri laus ingenito
29. HYMNVS SANCTAE REPARATAE.
1. Clarum puellae meritum
Chori promant fidelium,
Cum saeptum carnis exiit,
Et uictrix astra petiit.
|
|