publice praedicant: dum mandata nostra,
quibus ipsum ex patris debito saepe
pascebamus obaudiens, [dum mores et
actus nobiles, quos sapere, natura suffragante,
debuerat, post tergum etiam sibi injuriosus rejiciens:]
dum honoris et loci, quibus in
nostra Curia fruebatur oblitus: dum nec diversorum
more nobilium, quibus ex praetorii
nostri culmine influitur nec familiaritatis
solitae, quae ipsum nostri lateris saepe
participem faciebat, dignitate contentus, ad
rebelles nostros et hostes, quibus ut hostis
potius obstare debuerat: quibus etiam ipsum,
ut sicut debitum ab aetate receperat, sic si qua
virtus in ipso dormiret, ex otio armorum exercitio
suffragante resurgeret, opponere stimulum
nostra deliberaverat Celsitudo: personae
propriae fur factus et praedo aetate succumbente
malitiae fugitivus aufugit. Et sic datus vulgo
ludibrium, infectione suorum operum perversorum
cicatrices Augusti sanguinis ac regalis
inficit. Videat igitur excellentia vestra
regia, si paternis meritis ista rependere
filius, si avunculi beneficiis, imo patris
illa nepos debuit compensare. Attendat
regalis industria, qualis eventus, qualisque fidei
iam rudis, tam enormis in juventute processus,
monimenta promittat, in senio qualis et