XIV. De aquila et testudine.
Pes aquile, predo testudinis, aera findit.
Hanc sua conca tegit, cornua longa latent.
Hoc monitu cornix aquilam premunit: «Ineptum
Fers honus, at fiet utile, crede mihi;
Quod geris in conca, cibus est: tibi surripit illum
Conca cibum; concam frange cibusque cadet.
Vt concam lanies, pro uiribus utere sensu;
Hanc, si celsa cadat, saxea franget humus».
Decipientis homo subuersus turbine lingue
Corruit; et fortes ista procella rapit.
|
|