amiciciam cum amicis et vicinis suis, Mutinensibus et Reginis,
usque in hodiernum diem. Et civitas et commune Mutine
noluit dare dictum episcopatum nec terram suam ultra aquam
Scottenne dictis Bononiensibus. Et ideo Mutinenses requisiverunt
amicos suos contra Bononienses ad defendendum se ab eis. Et
in servitium Mutinensium iverunt centum milites, cum tribus
equis quilibet, de Cremonensibus, et de Parmensibus duo milia
peditum et mille milites, et dominus marchio Hestensis de Feraria,
et multi milites de civitate Regii, maiores et potentiores et nobiliores
de civitate Regii, pro honore suo et non pro communi Regino
iverunt in servitium Mutinensium. Et Bononienses extraxerunt
et duxerunt karrocium suum in plateam civitatis Bononie. Et
quando dicti Bononienses debebant venire ad dictum exercitum,
pars de Geremiis de Bononia nolebat venire contra Mutinenses.
Et stabant bene armati et parati ad domos eorum. Et si venissent
contra Mutinenses, pars de Geremiis faciebat venire Bononiam
marchionem Hestensem cum sua gente et Parmenses et Cremonenses
et Reginos et Mutinenses qui erant Mutine et multos
Toscanos et Romagnolos, et expulissent de civitate Bononie partem
de Lambertaciis. Et ita steterunt Bononienses, quod non
venerunt contra Mutinam.
Eodem anno, die ultimo exeunte Maio, obiit dominus Gerardus
de Tripolis et sepultus fuit die Mercurii primo Iunii, in vigilia
Ascensionis ad monasterium Sancti Prosperi de Regio.
De magna caristia que fuit hoc anno MCCLXXII.
Et toto tempore predicti potestatis, scilicet domini Tiverii
de Rusticis, civis civitatis de Eugubio, fuit maxima caristia de
omnibus rebus victualibus, ita quod sextarius frumenti vendebatur
VIII et IX et X solidos imperialium. Et sextarius spelte
vendebatur solidos imperialium et XIII et XIIII grossos.
Et sextarius melice XII grossos et XIII et XIIII. Et sextarius
milii XII grossos et XIII et XV et XVI. Et sextarius fabe XV
grossos et XVIII et XX. Et sextarius cicerum VIII solidos imperialium
|
|