et importabile et supra vires humane miserie, et maxime temporis
huius. Unde per his triginta annis, forte anni tres, menses,
videlicet, triginta sex, accipiendi sunt, et pro allis triginta sex menses,
et hoc sit quod ait Dominus: «propter electos breviabuntur dies illi».
Non solum autem propter hoc; verum etiam, ut accidat sicut in diebus
Noe et Loth, «ut cum dixerint homines pax et securitas, tunc
illis, iuxta Apostolum, repentinus superveniat interitus». Quia vero
quadraginta tricenarii designati in diebus quadraginta in consumatione
sunt, quocumque modo due iste generationes consumande sint,
restat omni modo, ut post ipsas, pascalis quedam sequatur solempnitas,
et in omni tempore, quod sequetur usque ad vigiliam pentecostes;
alleluia cantetur. Designat enim hec vigilia laborem ultimum
Ecclesie, quod erit in diebus Gog. Quod autem post erumpnas
illas daturus sit Dominus Spiritum sanctum electis, Jezechiel propheta
luculenter edisserit, qui postquam scribit Gog et mala que
facturus est domui Israel que conversa erit, non iam incredule
sed fideli, sed tamen precanti Domino sicut et nos facimus
hodie, necnon et ruinam ipsius Gog et exercitus eius, loquitur ad
extremum, non ipse sed per eum Dominus, et dicit: «hec dicit Dominus:
reducam captivitatem Iacob, et miserebor omni domui Israel,
et assumam zelum pro nomine sancto meo. Et portabunt confusionem
suam, et omnem prevaricationem, qua prevaricati sunt in
|
|