LI. – DE FARDELLIS NON PORTANDIS A COLLERIIS.
Item statuerunt quod aliquis victuralium qui habeat voltam
de ballis in Diverio non debeat capere nec portare aliquod fardellum
a portatoribus ad dorsum in intus nec in foris in strata
nec extra strata de ossolla si non fuerit unum fardellum de
uno collerio quod portaverit ad dorsum suum et quod non sit
de ossolla quod collerii portant sub poena praedicta.
LII. – DE BALLIS PORTANDIS SINE DENARIIS.
Item statuerunt et ordinaverunt quod si victurales vellent
portare et ducere suam voltam de ballis vel mercantiam sine
denariis qui sint praesentes de eorum voluntate quod partitores
debeant dare suam voltam et dimittere eas portare non
obstante poena superius contenta.
LIII. – DE MARCATORIBUS ANTECEDENDIS.
Item statuerunt et ordinaverunt quod si fuerit unus mercator
qui habuerit ballas VI vel minus vadat et ire debeat ante
omnes alias ballas sine mora. Et quod partitor possit ipsas
praecipere cuilibet victurali sub poena praedicta et ipsi possint
semper ducere.
LIV. – DE GRATIIS NON FACIENDIS.
Item statuerunt et ordinaverunt quod non sit aliquis victuralis
qui portet nec portare debeat gratia vel precario aliquam
ballam vel mercantiam pro aliqua persona undecumque sit
nisi tantum pro propria persona sub praedicta poena. Et si
aliquis petierit gratia vel precario non fiat ei responsio nisi
de consilio credentiae et victuralium.
LV. – DE GRATIIS NON PETENDIS.
Item statuerunt et ordinaverunt quod aliquis victuralium
non possit nec debeat petere gratiam pro aliqua persona nisi
de voluntate credentiae et omnium victuralium. Et quod si data
fuerit non valeat nec teneat.
LVI. – DE CAMBIO FACIENDO.
Item statuerunt et ordinaverunt quod quilibet victuralis possit
et debeat et ei liceat cambiare in foris et in intus et in
omnibus partibus quamlibet ballam vel mercantiam bona fine
et quod non sit fraus. Et salvo et reservato quod possint a
|