[12] Item statuerunt quod non sit aliqua persona, cuiuscumque condicionis
existat, que vellit esse sit, que audeat nec presumat incendere, nec
ponere ignem in aliqua parte buschi seu territorii Mergotii et Brachi;
et quilibet contrafatiens solvat pro banno qualibet vice libras decem imperiales,
et quilibet fidedignus possit accusare, et restituere dampnum
dampnificato, secundum extimationem que fiet per extimatores Comunis
Mergotii infra terminum sibi asignandum per dominum vicarium Vogonie,
seu per Comune Mergotii.
[13] Item statuerunt et ordin[averunt quod quelibet] balla, fardellus,
vezolus, [bariles, pelles olei, sacchos et sacchonos, qui venient] a partibus
[inferioribus euntes ad partes superiores per territorium] Mergotii,
tam [per terram, quam per aquam, teneatur et debeat ire per partitam:
et si] est a rubis xxx[ii supra, solvat Comuni, pro quolibet rubo, imperiales
tres, et pro qualibet] balla, [barille, pelle olei, saccho et sachono,
libras imperiales duos Comuni, vel incantatori dicti Comunis, et pro sosta
imperiales duos, et pro ipsis denariis Comune teneatur ipsam mercantiam
consignare Vogoniam, si dicta mercantia venerit in Mergotio
ante horam tercie; et si non venerit ante dictam horam, Comune non
teneatur ad istam consignationem, et hoc salvo si fuerit blava, farina,
castaneas vinum, sal, cepas, aleum vel gniffegnerum: illa mercantia non
teneatur solvere, nec ire per partitam. Et insuper quod habentes vel tenentes
sostam debeant custodire omnes ballas et fardellos ac omnes mercantias,
postquam fuerint consignate in sosta, donec removebitur a sosta
pro conducendo alibi, et si damnum, vel furtum, vel guastum factum
fuerit in predictis, teneatur dictus sostator emandare].
|
|