Lanfrancus Ticinensis: In omnes epistulas Pauli commentarii, cum glossula interiecta

Pag 326


festos, quae erant umbra venturae felicitatis; spiritualis
[ f ., spiritualiter] autem intellectus, veritas et
corpus.
19. AUGUST. ( Or. advers. Judaeos , c. 1, tom. VI.)
Aut Sabbatorum . In illo requiem cum invenimus,
vere sabbatizamus, et novae lunae observatio, vitae
novae sanctificatio est, et Pascha nostrum immolatus
est Christus, et azymum nostrum sinceritas veritatis,
fermentum veritatis [ al ., non habens vetustatis];
et si qua alia sunt, in quibus nunc immorari non
opus est, quae illis veteribus adumbrata sunt signis,
in isto habent finem, cujus regni non erit finis.
20. LANFR. Aut Sabbatorum . Dies festi, inquit,
neomeniae et Sabbata significabant futura, et in
ipsa significatione erant corpus Christi, id est, significabant
corpus Christi, vel assumptum ex Virgine,
vel Ecclesiam, qualis nunc est, vel in alio saeculo
futura.
21. AMBROS. Quae sunt umbra , id est, in comparatione
futurorum umbrae sunt omnia ista, unde ad
significantiam umbrae, corpus adjecit, hoc dicens:
Quoniam Christus veritas est .
22. LANFR. Nemo vos seducat . Nemo, inquit, vos
decipiat, volens persuadere vobis ea quae nunquam
intellexit, ostendens vobis in semetipso humilitatem
et religionem angelorum, ut citius eis credatis. Angelos
autem vocat vel coelestes spiritus, vel sanctos
praedicatores.
23. HIERON. Volens in humilitate . Adorabant enim
militiam coeli. Unde Amos: Tradidit eos ut servirent
militiae coeli .
24. AMBROS. Volens in humilitate . Nolite, inquit,
intendere illis qui angelos dicunt indignari si lex
non fuerit custodita, eo quod per angelos lex data
esse dicatur et humilitatem quamdam simulantes,
ostendere properant quasi qui legem contemnere
metuant.
25. Si mortui estis . Si sic constituti estis quasi
qui jam commortui estis Christo, et consurrexistis.
Hoc dicit ab elementis mundi hujus.
26. HIERON. Si mortui estis . Elementa mundi, a

Torna all'inizio