14

A.D. MCLIII, XVIIII kal. Septembris, inditione XV, fundatus est primus girus ecclesie
Sancti Iohannis Baptiste.
[MCLIV]. In sequenti anno MCLIV, pridie kal. Septembris, inditione prima, fundatus est
secundus girus eiusdem ecclesie, cuius quidem operis Conettus Conetti et Henricus Cancellarius
operarii fuerunt.
A.D. MCLIX, inditione VII, Conettus quo ndam Conetti operarius in mense Iulio et
Augusto, cum nave sancti Iohannis tres columnas magnas lapideas de Ilba usque ad ecclesiam
Sancti Iohannis trasportavit.
A.D. MCLXII, inditione VIIII, pridie Idus Madii, Conettus quondam Conetti, operarius
Sancti Iohannis, ivit in Sardineam ad portum Sancte Reparate, et transportavit inde duas
columnas lapideas magnas; qui fortune venti et maris ad Portum Veneris ivit, et sic VII Idus
Iulii Pisas cum magno triumpho reversus est.
A.D. MCLXII. Numquam enim visum fuit maius incendium Pisis neque Kintice, quam
istud fuit. Maior siquidem pars Kintice combusta est in nocte XII kal. Novembris. In eodem
toto anno caritas magna fuit grani et vini et olei et omnium leguminum. Vendebatur enim
sextarium grani denari LXXXIIII, barile de vino den. XLVIII, libra olei denari XXIIII, fabe
den. LXVI, milio den. LXXII, castanee den. LXIIII, pesei den. LX, ordeo den. XLVIII. Eodem
anno fuit maxima mortalitas.
A.D. MCLV, inditione III. Fredericus rex Romanorum venit in Lonbardiam et in